Baskonia ez da Valentzian irabazteko gai izan (79-69)
Laboral Kutxak porrota jaso du Valentzia Basketen aurka (79-69), Euroligako laugarren jardunaldiko neurketan.
Ondo jokatu dute baskoniarrek lehen laurdenean, sendo defentsan eta errebotean adi. Crespriren taldea hamaika puntuko errenta izatera iritsi da, baina etxekoek aldea murriztu dute azken segundoetan (15-22).
Shengelia izan da bigarren laurdenaren hasierako minutuetan onena, kontraerasoan Valentzia suntsituta. Perasovicen taldeak Pau Ribasen lanari esker jarraitu du neurketan sartuta, eta gasteiztarren beherakada baliatu du markagailuan aurretik jartzeko (36-34, atsedenaldirako 2:46ren faltan). Laurdena 38-36 bukatu da.
Valentzia Baskonia baino gehiago izan da hirugarren laurdenean, barne-joko eskasa egin du, eta hirukoei esker bakarrik eutsi dio neurketaren erritmoari. Etxeko taldean, Harangody izan da erabakigarria.
Hasiera kaskarra eman diote bi taldeek azken laurdenari. Laboral Kutxa markagailuan hurbildu da (65-61), baina Valentziak berehala handitu du errenta. Amaierara heltzeko hiru minutu geratzen zirenean, hamar puntu goitik zen etxeko taldea (75-65). Baskonia ez da markagailuari buelta emateko gai izan. Harangody izan da neurketako saskiratzaile nagusia, 23 puntu eginda.
Fitxa teknikoa:
79 - Valentzia Basket (15+23+27+14): Van Rossom (14), Rafa Martinez (1), Lucic (2) Harangody (23), Dubljevic (13) -hasierako boskotea- Ribas (11), Sato (2), Vives (4), Loncar (7) eta Aguilar (2)
69 - Laboral Kutxa (22+14+20+13): Heurtel (11), Vujacic (7), Bertans (8), Shengelia (20), Iverson (5) -hasierako boskotea- Causeur (2), Perkins (2), Tillie (8) eta San Emeterio (2) eta Hamilton (4).
Zure interesekoa izan daiteke
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.
?fmt=webp-alpha&qlt=80)
Kosner Baskoniak Belgraden, Partizanen aurka, emango dio buru 2025-2026 Euroligako bere ibilbideari
Paolo Galbiatiren taldeak ezin izan du Euroligara eraman beste txapelketetan egiten ari den denboraldi bikaina. Gasteizko taldeak aldi bakarrean garaipena lortu duen kantxa batean (2002) irabaztea bilatuko du.
Forresten jokaldi batek garaipena eman dio Kosner Baskoniari etxean, Dreamland Kanaria Handiaren aurka (88-86)
Trent Forrestek amaierarako zazpi segundoren faltan egindako magia trikimailu batek garaipena eman dio Kosner Baskoniari, 88-86, Dreamland Kanaria Handiaren aurka Buesa Arenan jokatutako partidan.
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.