Baskoniak garaipen landu eta garrantzitsua lortu du (91-90)
Laboral Kutxak Euroligako bere bigarren garaipena eskuratu du Buesa Arenan jokatutako hirugarren jardunaldian Galatasarayri irabazita (91-90).
Maila handiko lehen laurdena Gasteizen. Marco Crespiren taldeak lan ona egin du, eta turkiarrek ezin izan dute alde aipagarririk lortu. Lehen laurdenaren amaieran, puntu bat goitik ziren bisitariak (23-24).
Bigarren laurdena oso parekatua izan da, eta Baskonian Vujacic izan da protagonistetako bat. Esloveniarrak ez du bere debutean huts egin. Errebote guztiengatik borrokatu dira gasteiztarrak, aurkariaren jokoa oztopatuz, baina, hala ere, oso gutxi barkatu du Galatasarayk. Iverson eta Shengelia erabakigarri izan dira. Atsedenaldian, 47-49, eta zaleak, epaileen gehiegizko protagonismoarekin haserre.
Turkiako taldeak zortzi puntuko aldea eskuratu du hirugarren laurdenean (51-59), baina amaierarako hiru minuturen faltan neurketa berdindu du Hamiltonen saskiratzeak (64-64). Berdintasuna zen nagusia (70-70).
Norgehiagoka azken hamar minutuetan erabaki da. Partida erotu egin da. Partida bukatzeko minutu eta erdi geratzen zenean, eta 10-0eko partzialari esker, lau puntuko abantaila zuen Baskoniak (88-84), baina 13 segundoren faltan 89-90 jarri dira turkiarrak. Iversonena izan da garaipenaren saskiratzea (bi segundo geratzen ziren), baina sufritutako garaipena izan da, azken segundoan saskiratzeko zorian izan baita Galatasaray. Heurtel izan da partidako jokalari onena.
Fitxa teknikoa:
91 Laboral Kutxa (23+24+23+21): Heurtel (17), Causeur (7), Bertans (12), Shengelia (6), Iverson (17)-hasierako bostekoa-, Perkins (3), San Emeterio (8), Tillie (2), Hamilton (5), Vujacic (14).
90 Galatasaray (24+25+21+20): Arroyo (11), Guler (7), Micov (20), Erceg (24), Aldemir (14)-hasierako bostekoa-, Gonlum (5), Vougioukas (4), Aradori (2), Arslan (3).
Zure interesekoa izan daiteke
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.
Kosner Baskoniak Joventuten aurka jokatuko du Endesa Superkopako finalerdietan
Beste finalerdia Valentzia Basket eta Bartzelonaren artekoa izango da. Kanporaketa irailaren 19an eta 20an jokatuko dute, Badalonako Palau Olimpic pabiloian.