Galdu egin dute IDK Euskotrenek, Lointek Gernikak eta Kutxabank Araskik, 23. jardunaldian
IDK Euskotrenek porrot gogorra jaso du etxean Casademont Zaragozaren aurka (60-70), Endesa Ligako 23. jardunaldian. Azu Muguruzaren taldeak lehen laurden oso ona jokatu du (18-10), eta zazpi puntuko abantailarekin joan da atsedenaldira (33-26). Alabaina, bigarren zatian partida erabat aldatu da, eta Zaragozak markagailua berdintzea lortu du (45-45).
IDK-k 20 baloi galdu ditu, eta galera horietako hiru erabakigarriak izan dira, azken minutuan gertatu direlako eta Zaragozak partida iraultzeko eta garaipena eskuratzeko baliatu dituelako. Horrenbestez, donostiarrek hirugarren norgehiagoka galdu dute jarraian, eta play-offeko postua arriskuan izan dezakete.
Bestalde, Lointek Gernika Bizkaiak Ensinoren etxean jokatu du, Lugon. Aurkari zuzenak dira biak, baina Gernikako taldeak 18 puntuko aldearekin galdu du (78-60).
Azken laurdenean joan zaio norgehiagoka Lucas Fernandezen taldeari, etxekoen aldeko partzial argiarekin (25-11). Porrot honen ondorioz, Lointekek atzera egin du; izan ere, Ensinok aurrea hartu dio sailkapenean.
Kutxabank Araskik ere ezin izan du garaipena eskuratu Cadi La Seuren kontra etxetik kanpo jokatu duen partidan. Gasteizko taldearen aurkari zuzena da, eta, hori dela eta, ezinbestekoa zen norgehiagoka irabaztea, mailari eusteko borrokan beste urrats bat emateko eta sailkapenean gorago begiratzeko.
Made Urietaren taldeak partida ona egin du, eta 69-69 berdinduta amaitu da arauzko denbora. Luzapenean, baina, Kataluniako taldea nagusitu da (89-83).
Zure interesekoa izan daiteke
Nate Darling: “Alderdi guztietan lagundu nahi dut, baita defentsa lerroa hobetu ere”
Surne Bilbao Basketek Nate Darlingen aurkezpen ofiziala egin du. Eskolta kanadarrak "taldea jokoan sartzea" gustuko duela adierazi du eta "bere estiloa aldatzen" joango dela aurkaria ezagutu ahala. (Bideoa gazteleraz)
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Gedna Capel: “Defentsan ekarpen handia egin dezaket”
Mirai Euskotrenek Gedna Capel aurkeztu du Donostian. Kataluniako hegal-pibota Azul Marino Mallorcatik dator, urtebeterako. Kataluniarra pozik dago klubak berarengan jarri duen konfiantzarekin eta "defentsan eta erreboteetan ekarpen handia" egin dezakeela adierazi du. (Bideoa gazteleraz)
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)