Lointek Gernika Bizkaiaren eta Kutxabank Araskiren arteko euskal derbia, zuzenean, eitb.eus-en eta ETB1en

Lointek Gernika Bizkaiak eta Kutxabank Araskik euskal derbia jokatuko dute igandean, abenduaren 3an. Endesa Ligako 10. jardunaldiko neurketa zuzenean ikusi ahalko da eitb.eus webgunean eta ETB1en.

Gernika-Lumoko taldea Endesa Ligako sailkapeneko seigarren postuan da. Orain arte jokatutako bederatzi partidetatik sei irabazi ditu eta hiru galdu.

Bestalde, Gasteizko taldea sailkapenaren behealdean dago, hiru garaipen bereganatuta eta sei neurketa galduta.

Bizkaiko taldearen helburua da goiko postuetan jarraitzea; Arabakoarena, aldiz, jaitsieratik aldentzea.