Markus Howardek 2026ra arte jarraituko du Baskonian
Baskoniak eta Markus Howardek akordioa erdietsi dute jokalari estatubatuarrak Gasteizko taldean jarrai dezan hurrengo hiru denboraldietan, 2026. urtera arte. "Jokalari ikusgarria izateaz gain, hiriarekin, zaleekin eta sentimendu batekin lotura berezia du", nabarmendu du taldeak bere webgunean argitaratutako oharrean.
Markus Anthony Howard (New Jersey, AEB, 1999) 2022-2023ko denboraldian heldu zen Gasteizko taldera, eta Euroligako hiruko jaurtitzaile onena izan zen, baita Endesa Ligako boskote onenean sartu ere. Denboraldian zehar jokatutako 66 partidetan, batez beste 15,4 puntu saskiratu zituen, eta hiruko jaurtiketen % 39,5 gauzatu.
"Baskoniaren zaleek Howarden ikuskizunaz gozatzen jarraituko dute. Iritsi zenetik bat egin zuen zaleekin, Buesa Arena osoa zutik jarri izan du eta Europa osoan ere pabiloi askotan onarpen handia lortu du", azpimarratu du klubak.
Jokalari estatubatuarrak sare sozialetan esan duenez, "oso zoriontsua" da Baskonian jarraituko duelako: "Gure zaleak asko maite ditut. Energia izugarria ematen digute gauero, irabazi nahiz galdu".
Zure interesekoa izan daiteke
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.
IDK Euskotrenek Fayeri berritu dio kontratua, eta Bessoirrek ez du Gernikan jarraituko
2025-2026 denboraldia izan da bi jokalarien lehenengoa euskal taldeetan.