Baskonia nagusi, Bilbao Basketen aurka Buesa Arenan jokatutako derbian (92-72)
Baskoniak Surne Bilbao Basketen aurka jokatutkao euskal derbia irabazi du, Endesa Ligako 3. jardunaldian (92-72). Gasteiztarrek euren nagusitasuna erakutsi dute eta, partida hasiera orekatua izan den arren, aise gailendu dira. Surne Bilbao Basketek itxura ona eman du lehen zatian, baina minuuek aurrera egin ahala, atzean geratzen joan dira.
Lehen laurdenean Bilbao Basket erasokorrago agertu da eta gasteiztarrek kanpoko jaurtiketetan oinarritu dute euren jokoa. Markagailuko lehen alde esanguratsua bilbotarrek ireki dute (7-12) baina orokorrean oreka izan da nagusi lehen 10 minutuetan. Horrela, lehen laurdenaren amaieran 18-20 izan da markagailuko emaitza.
Bigarren laurdenean, Baskonia Bilbao Basket baino gehiago izan da. Arabarrek defentsa jokoan asko hobetu dute eta horri esker kontraeraso azkarrak egin dituzte. Atsedenaldirako bi minutu eta erdiren faltan, 10 puntuko zuloa egin dute eta, azkenean, 40 eta 31eko aldeko emaitzarekin iritsi dira atsedenaldira. Markus Howard izan da lehen zatiko saskiratzailerik onena.
Hirugarren laurdenean hautsi du partida talde arabarrak. Hala ere, kosta egin zaie benetako zuloa zabaltzea. Jokoari abiadura bizia jarri diote, eta horrek mesede egin die. Bilbotarrak, aldiz, huts ugari egin dituzte erasoan. Laurden honetako azken minutuetan, 25 puntura iritsi da Baskoniaren aldea. Bukaerarako, Ponsarnauren taldeak alde hori 20 puntura jaistea lortu du (67-47).
Azken minutuak
Azken laurdenean, gauzek bide beretik jarraitu dute. Baskoniak 28 puntuko aldea ere izan du (81-53), baina bilbotarrek erreakzio txiki bat izan dute amaieran, 16 puntura ere hurbildu dira, baina azkenean etxeko taldea 20 puntugatik gailendu da (92-72), Mendizorrotzan jokatutako euskal derbian.
Fitxa teknikoa:
92 - Baskonia (18+22+27+25): Miller-McIntyre (9), Howard (16), Sedekerskis (7), Costello (4) eta Diop (10) -hasierako boskotea-, Mannion (3), Raieste (-), Rogkavopoulos (13), Marinkovic (11), Díez (-), Kotsar (5) eta Moneke (14).
72 - Surne Bilbao Basket (20+11+16+25): Renfroe (3), Adam Smith (11), Rabaseda (4), Tsalmpouris (-) eta Hlinason (13) -hasierako boskotea-; Pantzar (-), Kullamae (12), Alex Reyes (9), Andersson (8), Killeya-Jones (9) eta De Ridder (3).
Epaileak: Jordi Aliaga, Javier Torres eta Jorge Martinez. Ez dute jokalaririk kanporatu.
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.