Real Madrilek entrenatzaile kargutik kendu du Pablo Laso "osasun arrazoiengatik"
Real Madrilek astelehen honetan jakinarazi duenez, "Pablo Laso saskibaloi taldeko entrenatzaile karguan ez mantentzeko erabakia hartu du, osasun arrazoiak baino ez direla tarteko".
"Gure entrenatzaileak duela aste batzuk izan zuen bihotzekoaren ostean, Real Madrilek hainbat kontsulta egin dizkie hainbat medikuri eta kardiologiako adituri, eta guztiek adierazi dute arriskutsua litzatekeela bere osasunarentzat taldeko teknikari gisa jarraitzea", adierazi du klub zuriak bere webgunean.
Klubak azaldu duenez, "joan den astean, Real Madrilek lehen taldea zuzentzeari uzteko proposatu zion Pablo Lasori, kontratuan ezarritako baldintza ekonomikoak osorik errespetatuz, denboraldi honetan bere egoera fisikoa nola zihoan ikusi eta martxoan edo apirilean egoera berriro aztertzeko zain".
Real Madrilen ustez, "entrenatzailea ebakuntza egitera eta zainketa intentsiboetako unitatean egotera behartu zuen bihotzeko arazo larriaren aurrean, erabaki hori ez hartzea guztiz arduragabea izango litzateke".
Klubarentzat, "Pablo Lasoren osasuna da lehentasuna, beste edozeren gainetik ezer, harenganako errespetu eta maitasunagatik".
"Real Madrilek uler dezake erabaki horrek gure entrenatzailearengan tristura eragin izana, baina ezer ez dago, ezta Real Madril ere, inoren osasunaren gainetik, eta kasu honetan erakunde honek saihestu ezin duen arriskua da", adieraziz amaitu du bere oharra Real Madrilek.
22 garaikur
Pablo Lasok 54 urte ditu eta 2011tik jardun du Real Madrileko entrenatzaile gisa. 22 titulu lortu ditu: bi Euroliga (2015 eta 2018), sei ACB Liga (2013, 2015, 2016, 2018, 2019 eta 2022), sei Errege Kopa (2012, 2014, 2015, 2016, 2017 eta 2020), zazpi Espainiako Superkopa (2012, 2013, 2014, 2018, 2019, 2020 eta 2021) eta Kontinente arteko Kopa bat (2015).
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.