Bilbao Basket eta Baskonia, tituluagatik jokatuko duten 12 kluben artean
ACBko klubek aho batez erabaki dute lehiari berriro ekitea, ahal bada, etenaldiaren aurretik sailkatutako lehen hamabi taldeen kontzentrazioa eginda eta jaitsierarik gabe.
Bilera telematikoan erabaki dute "agintari eskudunekin batera osasun protokolo bat ezartzea, entrenamenduei eta lehiari berrekiteko, lehiaketan parte hartzen duten guztien osasuna bermatuko duena".
ACBk adierazi duenez, "ezinbesteko arrazoiengatik Liga Erregularra bukatutzat ematea" adostu dute. Lehiaketaren heren bat egiteke geratu denez, ez da Urrezko LEB ligara jaitsierarik gertatuko".
2019-20 Endesa Ligako titulua erabakitzeko adostutako sistema "liga erregularreko lehen 12 sailkatuek jokatuko duten azken fasea" izango da, "egoitza bakarrean".
Halaber, "datozen egunetan azken fase hori jokatuko den egoitza izendatuko da", eta "horretarako gutxienez hiru asteko prestakuntza ezarriko da, lehiaketa berriz hasi aurretik".
Egutegiari dagokionez, klubek "maiatzaren 31rainoko epea ezarri dute, agintariek hartutako neurrien arabera, azken fasea jokatzea erabakitzeko edo 19-20 Endesa Liga amaitutzat emateko".
Uztailaren 10a jarri dute Endesa Liga amaitzeko muga gisa.
"Maiatzaren 31n lehiaketa behin betiko amaitutzat eman behar izanez gero, Liga titulua hutsik geratuko litzateke", iragarri du ACBk.
Horrelakoa izango da Endesa Ligako azken fasea
Liga erregularreko 23. jardunaldiko lehen 12 sailkatuak sei taldeko bi multzotan banatuko dira, sailkapenaren arabera, 'playoff' formatuaren pareko banaketa-irizpideari jarraituz. Talde guztiek bost partida jokatuko dituzte, bakoitza bere multzoko aurkari bakoitzaren aurka.
Multzo bakoitzeko lehen bi sailkatuak finalerdietan lehiatuko dira, eta irabazleek finala jokatuko dute, bietan partida bakarrera.
Guztira 33 partida jokatuko dira bi asteko epean.
MULTZOAK
A multzoa: Bartzelona, Iberostar Tenerife, Retabet Bilbao, Kirolbet Baskonia, Unicaja eta Juventut.
B multzoa: Real Madril, Casademont Zaragoza, MoraBanc Andorra, Valentzia Basket, San Pablo Burgos eta Herbalife Kanaria Handia.
Horrenbestez, Baxi Manresak, Monbus Obradoirok, Coosur Real Betisek, UCAM Murtziak, Montakit Fuenlabradak eta Movistar Estudiantesek amaitu dute denboraldia.
Zure interesekoa izan daiteke
Araskik maila gorenean jarraituko du, Estepona garaituta (74-77)
Hil ala biziko partida jokatu du Gasteizko taldeak azken jardunaldian, eta garaipenarekin hurrengo denboraldian maila gorenean jarraitzea ziurtatu dute.
Lointekek Gernika KESB babesteari utziko dio, 2025-2026 denboraldia amaituta
Bizkaiko klubak baieztatu du “elkarrizketak” abiatu dituela, “hainbat erakunde eta enpresarekin, etapa berri honetan taldeari izena emango dion bidelagun berri bat aurkitzeko helburuarekin, Emakumezkoen Endesa Ligan”.
Jaume Ponsarnau, itzuliko partidaz: “Lan gogorra dugu, mailarik onena eman beharra dugu”
Surne Bilbaok sei puntuz galdu du, 79-73, FIBA Europa Kopako joaneko neurketan. Norgehiagoka amaituta, Jaume Ponsarnau entrenatzaileak nabarmendu du titulua Miribillan erabakiko dela, “gure jendearekin”.
Justin Jaworski: “Garaipena lortzea gustatuko litzaiguke, baina erdia falta da”
Surne Bilbaok sei puntuz galdu du, 79-73, Salonikan, PAOK aurkari, FIBA Europa Kopako joaneko partidan; hala, euskal taldeak markagailua irauli beharko du Miribillan, datorren asteazkenean.
Finalaren itzulikoa irauli beharko du Surne Bilbaok, Mirbillan, galdu egin baitu joaneko partida, Salonikan (79-73)
Ponsarnauren taldeak partida osoa eman du markagailuan atzetik, Palatakin, biko jaurtiketen portzentaje txarrak baldintzatuta. PAOKen aldeko koskarik handiena 12 puntukoa izan da, baina puntu bakarrko aldea ere izan da.
Zuzenean: FIBA Europe Cup txapelketaren finaleko joaneko partida, PAOK Salonikaren eta Bilbao Basketen artean
Ikusi, gaur, apirilak 22, 18:15etik aurrera, PAOK Salonikaren eta Surne Bilbao Basketen arteko FIBA Europe Cupeko finalaren joaneko partidaren zuzeneko emanaldia, Greziatik. Saioa 17:50ean hasiko da ETB1en, atariko batekin, eta partida streaming bidez jarraitu ahal izango da kirolakeitb.eus eta ETBOn atarien bidez.
Ponsarnau: “Gure focus-a da partida oso luze bat izango balitz bezala ulertzea"
Surne Bilbao Basketek PAOK talde greziarraren aurka jokatuko ditu, bihar, apirilak 22, FIBA Europa Kopako finalaren joaneko 40 minutuak. Jaume Ponsarnau entrenatzailearekin egon gara Loiuko aireportuan eta “ilusio handiarekin eta kontzentratuta” daudela esan digu. (Bideoa gazteleraz)
Surne Bilbaok Grezia du jomugan
Tryggvi Hlinason beltzezko gizonen kapitainak dioenez, iazko eta duela bi hilabeteko bigarren fasean aurrean izandako PAOK, talde bera izanagatik, "zeharo aldatu" da. Bai Miribillan (95-73) eta bai Palatakin (87-88) mendean hartu zuten beltzezkoek PAOK bigarren fasean.
Surne Bilbaok galdu egin du BAXI Manresaren aurka Miribillan (80-84)
FIBA Europako Kopako finalaren joaneko partidaren atarian, Surne Bilbaok porrot egin du Miribillan Baxi Manresaren aurkako norgehiagoka (80-84), eta, ondorioz, play-offean sartzeko atzerapausoa eman du.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.