Mirai Euskotrenek eta Inversus Gernikak irabazi egin dute; Kutxabank Araskik garaipenik gabe jarraitzen du
Donostiako taldeak Perfumerias Avenida hartu du mendean Salamancan (70-74) eta Bizkaikoak luzapenean irabazi dio Duran Maquinaria Ensinori (66-72). Araskik galdu egin du Celta Femxa Zorkaren aurka (75-56).
Emakumezkoen Endesa Ligako zazpigarren jardunaldiak bi garaipen eta porrot bateko balantzea utzi du euskal taldeentzat. Mirai Euskotrenek eta Inversus Gernika Bizkaiak garaipena lortu dute etxetik kanpo.
Mirai Euskotrenek garaipen garrantzitsua lortu du Salamancan, Perfumerias Avenidaren aurka (70-74). Azu Muguruzaren taldeak bigarren zati bikaina burutu du; Faye izan da Donostiako taldean protagonistetako bat. Garaipen honekin, taldea sailkapeneko bosgarren postuan kokatu da.
Inversus Gernika Bizkaiak ere irabazi du Lugon, Duran Maquinaria Ensino menderatuta (66-72). Luzapeneko tartea erabakigarria izan da partida irabazteko, eta Bizkaiko taldeak Ligako laugarren garaipena eskuratu du. Zazpi jardunaldiren ondoren, bederatzigarren postuan dago.
Bestalde, Kutxabank Araskik galdu egin du Vigon, Celtaren aurka (75-56). Galiziako taldea nagusi izan da, eta denboraldiko lehen garaipena lortu du Gasteizko taldearen aurka. Araski sailkapeneko azken postuan dago, zazpi jardunalditan zazpi porrot jasota.
Zure interesekoa izan daiteke
Inversus Gernika garaile atera da; Mirai Euskotren eta Kutxabank Araski, berriz, galtzaile
Inversus Gernika garaipenaren bidera itzuli da, eta Mirai Euskotrenek eta Kutxabank Araskik galdu egin dute
Mirai Euskotrenek bolada onean jarraitzen du eta Inversus Gernikak eta Kutxabank Araskik porrota jaso dute
Porrotak Inversus Gernika eta Kutxabank Araskirentzat eta bigarren garaipena jarraian Mirai Euskotrenentzat Endesa Ligan
Inversus Gernikak eta Mirai Euskotrenek garaipena lortu dute; Kutxabank Araskik ezin izan du Baxi Ferrol gainditu
BAXI Ferrol-Kutxabank Araski, Duran Maquinaria Ensino-Mirai Euskotren eta Celta Femxa Zorka-Gernika Bizkaia, Emakumezkoen Endesa Ligako lehen jardunaldian
IDK Euskotrenek eta Kutxabank Araskik Tate eta Mungo fitxatu dituzte, hurrenez hurren
IDK Euskotrenek Fayeri berritu dio kontratua, eta Bessoirrek ez du Gernikan jarraituko
