Urreisti-Gorka vs Johan-Lopez, eta Barandika-Lekerika vs Erkiaga-Manci, Biscayne Cupeko finalerdietan
Danian, Floridan, jokatuko duten Biscayne Cupeko lehen ekitaldia ostegunean, ostiralean eta larunbatean izango da, alegia, hilaren 20tik 22ra bitartean; txapelketa master mailakoa da, eta Jai Alai Ligakoa. Bada, zehaztu egin dituzte zeintzuk izango diren bikoteak, eta finalerdietako partidak. Hain zuzen ere, osteguneko finalaurrekoan, Eñaut Urreisti eta Gorka Sorozabal Johan Sorozabalen eta Imanol Lopezen aurka arituko dira, eta ostiralean, bigarren finalerdian, Xabi Barandikak eta Unai Lekerikak Aritz Erkiaga eta Mikel Manci izango dituzte aurkari. Bi jaialdiak goizaldeko 1:00ean hasiko dira, Euskal Herriko ordua kontuan izanik; hau da, ostegunetik ostiralerako eta ostiraletik larunbaterako goizaldeetan.
Finalaurrekoetan garaipena lortzen duten bi bikoteak final handian arituko dira nor baino nor gehiago, larunbatean. EITBk, eitb.eus-en eta ETB1en bidez, zuzenean emango du finala, Euskal Herriko 22:45etik aurrera.
Urreistik eta Gorkak Danian azken asteetan jokatu duten aurretiko txapelketan erdietsi dute Biscayne Cupen parte hartzeko txartela; gainerako sei zestalariei dagokienez, ordea, Biscayne Cup aurkeztu zutenean iragarri zuten nortzuk izango ziren. Aritz Erkiagak Eusko Label Winter Serieseko finala irabazi berri du, eta Mikel Mancik, berriz, txapeldunorde amaitu du azken txapelketa hori.
Zure interesekoa izan daiteke
Urrezko Gerrikoaren jabeen biharamun gozoa
Maia, bere bigarren urrezko gerrikoaz: “Gazteena naiz, baina ikusten da grina daukadala”
Barandika-Basque eta Ihart-Maia bikoteek jantzi dute Urrezko Gerrikoa, Lauko Final handia irabazi dute eta
Barandika, Jai Alai Liga irabazi berritan: “Inork ez zuen espero, ezta nik ere”
Nor izango da Jai Alai Ligako bikoterik onena?
Erkiaga: “Finalean bikain jokatu beharko dugu, Xabi eta Basquek gogor jarriko digute eta”
Erkiaga-Gorka eta Ihart-Maia bikoteek Lauko Finalaren final handirako txartela lortu dute
Ihart Arakistain: “Finalean partida polit bat jokatuta, txapela eraman dezakegu etxera”
Elaia: “Garaipena lortu dugu, baina ez dut uste gure partidarik onena izan denik"
