Jai Alai League aurkeztu dute, Iparraldeko eta Hegoaldeko zesta-punta txapelketen liga bateratua
Zesta-puntak egun "historikoa" bizi izan du gaur, kirol horrentzat mugarria izan daitekeena; izan ere, Eusko Label Winter Series txapelketaren finalerdien atarian, Jai Alai League izenarekin bataiatu duten Iparraldeko eta Hegoaldeko txapelketak uztartzen dituen liga bateratua aurkeztu dute, Gernikako Jai Alai frontoian.
Aurkezpen horretan izan dira Gaizka Muniategi eta Zigor Etxeberria (Eraman Jai Alai), Frédéric Cadet eta Michel Billac (Donibane Lohizune), Lilou Echeverria (Biarritz) eta Jean Dominique Olharan (Pau), hau da, Gernikako, Iparraldeko frontoi nagusietako eta Paueko ordezkariak, hurrenez hurren.
Orain arte, zesta-punta "zatituta" egon dela aipatu dute. Alde batetik, Iparraldeko "frontoi eta txapelketa prestigiotsuak" izan dira, eta, bestetik, Hegoaldekoak. Hori bai, mugaren alde batean eta bestean jokatzen duten pilotariak, berak izanik, "baina bi kirol-sistema ezberdinetan lehiatzen aritu direnak".
Haien esanetan, "horixe izan da orain arteko oztoporik handiena zesta-puntaren hazkundearentzat". Aitzitik, "akordio historiko honekin, liga bateratu bat " sortzea lortu dutela nabarmendu dute. Aipatu lehiaketak urte guztiko egutegia izango du, puntuazio eta sailkatu bateratu batekin. Gainera, pilotari onenak azken fase itxurako txapelketara sailkatuko dira.
JAI ALAI LEAGUE, IPARRALDEAREN ETA HEGOALDEAREN BATERATZE "HISTORIKOA"
Urtebeteko epean Winter Series txapelketak ikusgarritasun handia eman dio zesta-puntari, eta Euskal Herri osoko zaleak joaten dira Gernikara. Hala ere, hori ez da berria Iparraldean, hamarkadak baitaramatzate frontoiak betetzen. Biarritzeko Urrezko Xisterak 46 edizio ditu, eta historia eta pisu handikoa da Iparraldeko gizartean. Berdin Donibane-Lohizuneko Nazioartekoek ere. 25.000 zaletik gora batzen dituzte uda bakoitzean, uztaileko eta abuztuko partiduetan. Paueko frontoi bikaina azkenik, 2006an eraikitakoa da. Frantziako zirkuituan hirugarren zutabea da, eta urtez urte pisu handiagoa ari da hartzen zesta-puntaren mapan.
Hori guzti hori kontua hartuta, 2021. urtean bat egin zuten Donibane Lohizuneko, Biarritzeko eta Paueko frontoiek, Summer League txapelketa sortzeko. Orduz geroztik, zirkuitu bakarra osatzen dute Donibaneko "Nazioarteko"ek (Internationaux), Biarritzeko Urrezko Xisterak (Gant D'Or) eta Paueko Kopak (Pau Cup). Orain hiru hauekin bat egiten du Gernikako Winter Seriesak, denen artean Jai Alai League berria sortzeko.
JAI ALAI LEAGUE 2023
Horrenbestez, lau txapelketa nagusi izango ditu aurtengo Jai Alai Leaguek:
1 - Gernikako Winter Series txapelketa
2 - Donibane Lohizuneko Nazioartekoak
3 - Biarritzeko Urrezko Xistera
4 - Paueko Kopa
Antolatzaileek argitara eman dutenez, Gernikan une honetan jokatzen ari diren Winter Serieseko partiduak Jai Alai Leaguerako puntuatzen ari dira jada. Liga horretako txapelketa guztiek izango dute puntuazio-sistema bera, eta, horren arabera, sailkapen bat osatuko da. Sailkapen hori kontuan hartuta, Jai Alai Leagueren azken fasea jokatuko da urte amaieran, sailkapeneko pilotari onenekin. Azken fase hori Hegoaldean jokatuko da 2023an.
PRO-AM TXAPELKETEN SENDOTZEA
Jai Alai League sortzeaz aparte, bigarren mailako Pro-Am txapelketak ere sustatuko dituztela aurreratu dute. Eraman Jai Alai enpresak, aurten lehenbizikoz, Winter ProAm txapelketa antolatu du. Bide horretan pausu berriak eman nahi dituzte orain, Iparraldean oso sendotuta dagoen Pro-Tour zirkuitua, profesional eta amateurrek nahastean jokatzen dutena, eredutzat hartuta.
Zure interesekoa izan daiteke
Lekeitioko Master Seriesa, abuztuaren 22an eta 28an, Santi Brouarden
Santi Brouard pilotalekua prest dago Lekeitioko Masters Seriesa hartzeko. Erkiaga-Lekerika, Goitia-Atain, Laduche-Manci eta Goixerri-Salegi lehiatuko dira bertan. Finalerdiak abuztuaren 22an jokatuko dituzte. Final handia, berriz, hilaren 28an.
Barandikak eta Mancik jantzi dituzte Gernika Grand Slameko txapelak
Azken tantora berdinduta iritsi den finala, hirugarren seta, 4-4 eta Barandikak eta Mancik behin betiko tantoa eskuratu dute, txapela eskuratzeko. Lehen seta 15-10 irabazi dute, Erkiagak eta Undak 9-15 erantzun dute bigarrenean, eta hirugarrena azken tantoan erabaki da.
Barandika eta Oyhenard irabazle Donibane Lohizuneko 4ko masterrean
Barandika eta Oyhenard nagusitu dira Donibane Lohizuneko Master 4ko finalean, baina hirugarren jokoa behar izan dute Erkiaga eta Basque mendean hartzeko. Lehenbizikoan, Ispasterkoa eta Bidartekoa izan dira nagusi, 15-13. Bigarrena, baina, gernikarrak eta Donibane Lohizunekoak eskuratu dute, 13-15. Kitarakoan, berriz, Barandika eta Oyhenard jaun eta jabe izan dira: 1-5. Gernikako aurrelaria bolada onean dago, jokatu dituen azken 12 partidetatik 11 poltsikoratu baititu.
Barandikak eta Oyhenardek Donibane Lohizuneko Master 4 txapelketaren finalerako txartela lortu dute
Jean Olharan eta Gorka Sorozabal bi jokotan mendean hartu zituzten. Lehenengoa estu joan zen (15-14). Bigarrenean, tarte handiagoarekin, 15-9 gailendu ziren Barandika eta Oyhenard. Ostegun honetan jokatuko dute finala. Erkiaga eta Basquerekin neurtuko dituzte indarrak.
Clement Garciak eta Jerome Portetek Master 3 txapelketa irabazi dute, Donibane Lohizunen
Asteartean jokatutako finalean, Ludovic Laduche eta Theo Laborde menderatu dituzte, bi jokotan, 15-10 eta 15-11.
Barandika eta Manci, Gernikako Grand Slameko lehen finalistak
Barandika eta Manci dira Gernikako Grand Slameko lehen finalistak, Goitia eta Basque garaituta (14-15, 15-12 eta 5-1). Bigarren finalerdia hurrengo larunbatean jokatuko da, abuztuaren 8an, eta finala, berriz, San Roke egunean, abuztuaren 16an.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).
Elaiak eta Araik erraz hartu dituzte mendean Lur eta Alize Markinako Grand Slamaren finalean
Lejardi ahizpak etxean aritu dira. Arai atera da garaile, lan txukuna eginda, baina zoragarri aritu den Elaia nabarmenduz. Elaia eta Arai bi jokotan gailendu dira (15-6 eta 15-3). Hasieratik izan dira aurretik. Arriskatzen hasi direnean ere, asmatu dute.
Gernikako Grand Slama kiniela formatuan abiatuko da
Uztailaren 18tik abuztuaren 16ra jokatuko da. Finalerdietatik aurrera, partidak ohiko formatuan jokatuko dira. Jardunaldi guztiak larunbat gauez jokatuko dira, 21:00etan, San Roke eguneko finala izan ezik, igandean izango baita, 18:00etan.