Barandikak eta Basquek bi jokotan irabazi diete Goitiari eta Lekerikari, eta finalerako txartela lortu dute
Gernikako aurrelariak eta Bidarteko atzelariak erraz eraman dute lehen jokoa (15-6). Bigarrenean askoz gehiago sufritu dute, baina azken tantoan jokoa irabaztea lortu dute (15-14). Barandikak min hartuta bukatu du neurketa, pilotakada bat jaso du eta.
Barandika eta Basque, partidako une batean. Irudia: Eraman!
Xabi Barandikak eta Thibault Basquek bi jokotan (15-6 eta 15-14) irabazi diete Alex Goitiari eta Unai Lekerikari Eusko Label Winter Serieseko finalerdietako ligaxkaren laugarren jardunaldian, Gernikako Jai Alai pilotalekuan. Horrela, aurrelari bizkaitarrak eta atzelari lapurtarrak txapelketako finalera sailkatzea lortu dute. Ikusi beharko da Barandikak finala jokatzerik duen; izan ere, astelehen honetan pilotakada latza jaso du gorputzean, eta lesionatuta bukatu du norgehiagoka.
Barandikak eta Basquek nahiko erraz gobernatu dute lehen jokoa. Gernikako aurrelariak hormabiko bikain batekin hasi du partida, eta argi-argi utzi du zer asmo zuen. Aitzitik, Goitiak eta Lekerikak hotzegi hasi dute norgehiagoka, eta ederki aprobetxatu dute aurkariek abantaila hartzeko.
Markina-Xemeingo aurrelariak ohikoa baino makalago jokatu du, akats askotxo egin ditu, eta Gernikako atzelariak sarri ikusi du Bidarteko bere homologoaren bizkarra. Horrela, Barandikak eta Basquek, hanka-sartze gutxi eginez, jokoa aise irabazi dute (15-6).
Markinarra eta gernikarra bigarren jokoan suspertzen saiatu dira, eta lortu ere lortu dute, aurkarien intentsitatea berdindu dute eta. Horrela, atsedenaldira markagailuan 6-8 aurretik iristea lortu dute. Atsedenaldiaren ostean, ordea, moreek aurkariak harrapatu dituzte eta aurretik jarri dira berriro.
12-12koan, susto handia hartu dute zaleek eta jokalariek; izan ere, Goitiaren errebote batek zuzenean jo du Barandikaren gorputza, eta aurrelari gernikarra kantxatik atera behar izan da une batez, mindu hartuta eta ukondoan odola zuela.
Itzuleran Goitiak eta Lekerikak 13na berdindu dute norgehiagoka, baina lapurtar atzelariak errestoa bota du 14.a egiteko eta Barandika mindu bati laguntzeko. Alexek eta Unaik jokoa berdindu dute berriro, eta jokoa azken tantoan erabaki da, Gernikako aurrelariaren eta Bidarteko atzelariaren alde (15-14).
Zure interesekoa izan daiteke
Eusko Label Winter Series finaleko jokaldi onenak
Johan Sorozabalen eta Thibault Basqueren garaipenarekin eman zion amaiera Eusko Lanbel Winter Series 2025-2026 txapelketak, otsailaren 15ean, Gernikan. Alex Goitia eta Unai Lekerika garaitu zituzten iparraldekoek final estu baten ondoren.
Giro bikaina Eusko Label Winter Series txapelketako finalean
Zale mordoa bildu da Gernikako Jai Alai pilotalekuan Eusko Label Winter Series txapelketako finalaz gozatzeko.
Johani eta Basqueri Winter Serieseko txapelak eman dizkien azken tantoa
Johanek eta Basquek irabazi dute 2025-2026ko Winter Series txapelketa. Final lehiatua izan da, eta Goitiaren azken tantoko akatsak Iparraldekoei eman dizkie txapelak.
Basque: "Mundu guztiak nahi du irabazi Winter Seriesa, eta oso harro nago"
Johan eta Basque oso pozik agertu dira garaipena eskuratu ostean, eta euren gertukoei eskaini dizkiete txapelak, Barandikari aipamen berezia eginez.
Johan eta Basque, 2025-2026ko Eusko Label Winter Serieseko txapeldunak
Igandean jokatutako finalean, Johan Sorozabalek eta Thibault Basquek Alex Goitia eta Unai Lekerika menderatu dituzte, hiru jokotan: 15-10, 14-15 eta 5-1. Garaipena eskuratu duten puntistek aurreneko aldiz jantzi dute Winter Serieseko txapela.
Zuzenean, 2025-2026ko Winter Series txapelketaren finala: Johan-Basque vs Goitia-Lekerika
Ikusi zuzenean 2025-2026 edizioko Eusko Label Winter Series txapelketaren finala, igande honetan, otsailaren 15ean, 11:30etik aurrera, Gernikako Jai Alaitik.
Barandika: "Final potentea ikusiko dugu"
Xabier Barandikak Winter Serieseko final handirako txartela lortu zuen, baina, finalerdietan min hartuta, ezingo du partidarik garrantzitsuena lehiatu. Nola ikusten du gernikarrak finala?
Alex Goitia: “Txapela lortzeko borrokatu behar dugu, eta etxera txapelarekin joan behar dugu”
Alex Goitiak eta Unai Lekerikabeaskoak Eusko Label Winter Series 2025-2026 txapelketako finala jokatuko dute igandean, otsailaren 15ean, Thibault Basqueren eta Johan Sorozabalen aurka. Partidaren atarian, Goitia eta Lekerekin egon gara eta bertan egotea “egindako lanaren fruitu” dela azaldu digute. Biak ala biak txapela etxera eramateko gogoz daude.
Imanol Lopezek Gernikako Jai Alai frontoian egindako azken tantoak
Imanolek agur esan zion Jai Alai frontoiari, Gernikan bildu ziren zale eta jarraitzaileek omenaldi beroa egin zioten, eta atzelari zumaiarrak horren neurrian jardun zuen. Garaipenik ez, baina horrelako tanto ikusgarriak oparitu zizkigun.
Gernikako Jai Alai pilotalekuak agur esan dio Imanol Lopez atzelari handiari
Zumaiako atzelariak esan duenez, "uste baino lasaiago" egon da. Hala ere, "eguna arraro samarra" izan dela onartu du. "Oso eskertuta nago, Gernikan hasi nintzen, eta hemen bukatu dut, oso polita da", azpimarratu du. "Pozik nihoa", erantsi du.