Ibarrola-Gaminde bikotea eta Erasun "Plazandreak" saioko final handirako sailkatu dira
Aizane Ibarrola eta Enara Gaminde 2025eko "Plazandreak" saioko final handirako sailkatu dira, binakakoan, eta Itxaso Erasun finalerako txartel hori bera eskuratu du, lau t'erdikoan, astelehenean, Esperantza pilotalekuan, Bilbon; hilaren 21ean jokatuko dituzten finaletan, Ibarrolak eta Gamindek Goiuri Zabaleta eta Nora Mendizabal izango dituzte aurkari, eta Itxaso Erasun, ordea, Amaia Aldairen kontra arituko da. "Plazandreak" saioko laugarren ekitaldiko ligaxkako laugarren jardunaldian, Miriam Arraiza eta Andrea Capellan, binakakoan, eta Miriam Arrillaga, lau t'erdikoan, txapelketatik at gelditu dira; izan ere, hurrenez hurren, 22-10 eta 18-11 galdu dute, finalerako sailkatu diren pilotarien aurka.
Hala, lehen partidan, binaka, Ibarrola eta Gaminde Arraizari eta Capellani gailendu zaizkie, 22-10, eta datorren asteleheneko finalerako txartela poltsikoratu dute. Bikote gorriak merezita eta argi irabazi du. Uharteko aurrelariak eta Laukizko atzelariak hamabost tanto behar zituzten finalerako sailkatzea lortzeko, baina gehiago nahi izan dute, eta bigarren aldiz erdietsi dute garaipena ligaxkan. Bi pilotariek eman dute maila bikaina; indartsu jokatu dute, eta estrategia izan da pilota atzera botatzea, Andrea Capellan nekatzen saiatzeko; errioxarrak, baina, ahalegin ederra egin du. Nabarmentzeko modukoa izan da Aizane Ibarrolak nola jokatu duen; nafarrak hamasei tanto egin ditu, eta horietako batzuk, gainera, ikusgarriak izan dira.
Bigarren norgehiagokan, lau t'erdian, bi atzelari aritu dira nor baino nor gehiago, Erasun eta Arrillaga, eta finalean toki bat zegoen jokoan. Itxaso Erasunek hamazazpi tanto behar zituen hurrengo asteleheneko neurketan izateko, eta zizurkildarrak bikain eskuratu du saria, partida ere irabazita, 18-11. Arrillaga baino erosoago ibili da kantxan; aginagarrak dena eman du, baina ezin izan du garaipena bereganatu.
Hortaz, zaleok hitzordu garrantzitsua dugu, Esperantza pilotalekuan, datorren astelehenean, "Plazandreak" saioko finalak izango baitira.
Zure interesekoa izan daiteke
Enara Gamindek etxean du falta zitzaion txapela: ‘Plazandreak' txapelketako Lau t´erdikoa
Gaminderen txapel mordoaren artean, azkena ere ikus dezakegu: ‘Plazandreak' txapelketako Lau t´erdikoa. Laukizko pilotaria Itsaso Erasun baino gehiago izan zen hasi eta buka. Hala ere, hobetzen jarraitu nahi du eta etorkizunerako helburua argi dauka.
Enara Gamindek irabazi du ‘Plazandreak' saioko txapela, Itxaso Erasun finalean aise gaindituta (18-6)
Atzelari laukiztarrak pilota ezin hobeto mugitu du, eta sakez ere min handia egin dio aurkariari. Atzelari zizurkildarra ezinean ibili da partida osoan zehar.
Aldaik eta Arrillagak ‘Plazandreak' saioko txapela irabazi dute, Salsamendi eta Bergara mendean hartuta (22-11)
Finala borrokatua izan da, baina Dimako aurrelaria eta Usurbilgo atzelaria nagusi izan dira, hasieratik markagailuan zuloa eginda.
Aldai-Arrillaga bikotea eta Gaminde, ‘Plazandreak' saioko txapeldunak
Amaia Aldaik eta Miriam Arrillagak 22-11 hartu dituzte mendean Laia Salsamendi eta Arrate Bergara, binakako finalean. Lau T’erdiko finalean, Enara Gaminde laukiztarra goitik behera nagusitu zaio Itxaso Erasun zizurkildarrari (18-6).
Laia Salsamendik Olatz Arrizabalagaren hutsunea beteko du ‘Plazandreak' saioren binakako finalean
Olatz Arrizabalaga Txilen egongo da Euskal Selekzioarekin, eta ezin izango du binakako finala jokatu. Beraz, Salsamendi-Bergara eta Aldai-Arrillaga bikoteak izango dira txapela lortzeko lehian. Lau t'erdian, ordea, ez dago aldaketarik, eta Enara Gamindek eta Itxaso Erasunek neurtuko dituzte elkarren indarrak. ETB2 ONek eta kirolakeitb.eus-ek finalak emango dituzte, zuzenean, datorren astelehenean.
Arrizabalaga-Bergara bikoteak eta Erasunek finalerako azken txartelak eskuratu dituzte
Salsamendik eta Capellanek mendean hartu dituzte Arrizabalaga eta Bergara (19-22) Plazandreak saioko laugarren jardunaldian, baina bigarrenak sailkatu dira finalerako. Ondoren, Lau t’erdiko partidan, Erasunek Ibarrolari 14-18 irabazi dio, eta bere bigarren finala jarraian jokatuko du.
Itxaso Erasun: “Beldurtuta eta oso deseroso jokatu dut"
Itxaso Erasun pilotari zizurkildarrak 18-14 irabazi dio Aizane Ibarrola nafarrari Plazandreak saioko laugarren jardunaldian, eta egungo txapeldunak bigarren finala erreskadan jokatuko du lau t'erdikoan.
Andrea Capellan: “Zapore gozoarekin baino gaziarekin goaz"
Santo Domingo de la Calzadako pilotaria ez da finalerako sailkatu: "Irabaztearekin soilik ez zen nahikoa". "Oso ondo hasi gara, hutsik egin gabe, ideiak oso argi genituela; baina Olatzek sakea hartu du eta atzean lotuta izan nau, sakeekin min handia egin dit", aitortu du atzelari errioxarrak.
Gaminde: “Ez da nire partidarik onena izan, ez naiz gustura ibili”
Enara Gamindek "Plazandreak" txapelketako 4 t’erdiko finala jokatuko du Aizane Ibarrola 18-17 mendean hartu ondoren. Laukizko pilotaria ez da egindako partidarekin gustura geratu, “partidutik atera” baita. Hala ere, bertatik ikasiko duela adierazi du, baita garaipenarekin pozik dagoela ere.
Aldai-Arrillaga bikoteak eta Gamindek lortu dituzte Plazandreak saioaren finalerako lehen txartelak
Amaia Aldaik eta Miriam Arrillagak Goiuri Zabaleta eta Nora Mendizabal 22-18 hartu dituzten mendean, partida oso gogor, luze eta borrokatuan. Era berean, lau t'erdikoan, Enara Gaminde 18-17 nagusitu zaio Aizane Ibarrolari.