Zabaleta eta Mendizabal, binakakoan, eta Aldai, lau t'erdikoan, "Plazandreak" saioko finaletara
Goiuri Zabaleta eta Nora Mendizabal, binaka, eta Amai Aldai, lau t'erdian, 2025eko "Plazandreak" saioko finaletarako sailkatu dira, astelehenean, Bilboko Esperantza pilotalekuan; izan ere, Olatz Arrizabalaga eta Arrate Bergara, 18-22, eta Madalen Etxegarai, 18-4, menderatu dituzte, hurrenez hurren. Hortaz, Zabaleta-Mendizabal bikoteak eta Aldaik txapelketako finalak jokatuko dituzte, hilaren 21ean.
Hala, binakako partidan, alegia, "Plazandreak" saioko laugarren ekitaldiko hirugarren jardunaldiari hasiera eman dion neurketan, Zabaleta eta Mendizabal gailendu dira, 18-22, Arrizabalagaren eta Bergararen aurka, eta, horrenbestez, txapelketako finalerako sailkatzea eskuratu dute; aurkariak, ordea, torneotik kanpo gelditu dira, Norgehiagoka polita izan da, kalitate handikoa, eta bi bikoteek egin dituzte tanto ikusgarriak. Partidako erdian, aurrelari leitzarra eta atzelari andoaindarra 10-11 ari ziren irabazten, eta bigarren zatian Olatz Arrizabalagak eta Arrate Bergarak baino gehiago asmatu dute; Gernikako aurrelariak eta Tuterako atzelariak, hala ere, ez dute amore eman, jakin bazekitelako garaipena behar zutela txapelketan jarraitzeko, eta hiru tantora jarri dira, 16-19, aurretik 11-17 galtzen ari baziren ere. Azkenean, Zabaletak eta Mendizabalek erdietsi dute puntua, eta, horrekin batera, urdinek finalerako txartela poltsikoratu dute.
Lau t'erdiko partidan, Aldai Etxegarai baino gehiago izan da, eta argi gailendu da, 18-4. Dimako pilotariak bideratuta zuen finalerako sailkatzea, lehen jardunaldian Miriam Arrilaga menderatuta, eta baliatu egin du aukera. Sendotasunez irabazi du Madalen Etxegarai aurkari; oñatiarrak ahalegin handia egin du, baina ez da eroso ibili kantxan, eta ezin izan du "Plazandreak" saioko txapela eskuratzeko lehian jarraitu.
Hurrengo astelehenean, uztailaren 14an, Esperantza pilotalekuan jokatuko dituzten bi partidatan finalerako txartela bana izango da jokoan. Binaka, Arraiza eta Capellan Ibarrolaren eta Gaminderen kontra arituko dira, eta lau t'erdian, gerora, Erasun eta Arrillaga arituko dira nor baino nor gehiago.
Zure interesekoa izan daiteke
''Plazandreak'' saioko txapeldunak, pozarren eta etorkizunari begira
Ibarrola eta Gaminde, binakakoan, eta Erasun, lau t'erdikoan, dira 2025eko "Plazandreak" saioko txapeldunak, igandeko finaletan irabazita. Hirurak oso pozik agertu dira lortutakoarekin.
Ibarrola eta Gaminde, binakakoan, eta Erasun, lau t’erdikoan, 2025eko "Plazandreak" saioko txapeldunak
Astelehenean jokatu dituzten finaletan, Aizane Ibarrolak eta Enara Gamindek Goiuri Zabaleta eta Nora Mendizabal menderatu dituzte, 6-22, eta Txaso Erasun Amaia Aldairi gailendu zaio, 9-18.
2025eko ''Plazandreak'' saioko lau t'erdiko finaleko azken tantoa: Aldai vs Erasun (9-18)
Itxaso Erasun da txapelduna, "Plazandreak" saioko laugarren ekitaldian, lau t'erdian; finalean, Amaia Aldairi gailendu zaio, 9-18.
Honela jaso dituzte txapelak 2025eko ''Plazandreak'' saioko irabazleek
Aizane Ibarrolak eta Enara Gamindek, binaka, eta Itxaso Erasunek, lau t'erdian, "Plazandreak" saioko laugarren ekitaldia eskuratu dute; Erasunek, gainera, Pelotari Onena Saria ere lortu du.
Itxaso Erasun: ''Ametsetan bezala nago; estrategia zen bizi jotzea, mina egiteko''
"Plazandreak" saioko lau 'erdiko txapelduna, finalean Amaia Aldairi gailenduta, oso pozik azaldu da, eta, hunkituta, duela gutxi hil zaien amona izan du gogoan.
Ibarrola eta Gaminde: ''Partida perfektua egin dugu, akatsik gabe''
"Plazandreak" saioko laugarren ekitaldiko binakako txapeldunek nabarmendu dute nola finalean, hasieratik, oso nagusi izan diren, Zabaleta eta Mendizabal aurkari.
2025eko ''Plazandreak'' saioko binakako finaleko azken tantoa: Zabaleta-Mendizabal vs Ibarrola-Gaminde (6-22)
Aizane Ibarrolak eta Enara Gamindek jaso dituzte "Plazandreak" saioko laugarren ekitaldiko txapelak, binaka; finalean, Goiuri Zabaleta eta Nora Mendizabal menderatu dituzte, 6-22.
''Plazandreak'' saioko finalak, gaur gauean, ETB1en eta eitb.eus atarian
Zabaletak eta Mendizabalek Ibarrola eta Gaminde izango dituzte aurkari binakako finalean. Lau t'erdiko txapelketan, berriz, Aldai eta Erasun ikusiko ditugu aurrez aurre. Gaur, 22:15etatik aurrera, ETB1en eta eitb.eus atarian.
EITB Mediak ''Plazandreak'' saioko finalak eskainiko ditu, uztailaren 21ean
"Plazandreak" saioko finalak ate-joka ditugu, eta ostegun honetan egin dute aurkezpena, Bilbon. Eitb.eus-en streamingez ikusi ahal izango dira, eta telebistaz, ETB1en, 22:15etik aurrera.
Ibarrola eta Gaminde, binaka, eta Erasun, lau t'erdian, ''Plazandreak'' saioko finaletara
Ligaxkako azken jardunaldian, hurrenez hurren, Arraiza eta Capellan (22-10) eta Arrillaga (18-11) utzi zituzten txapelketatik kanpo. Finaletan, hilaren 21ean, Zabaleta-Mendizabal eta Aldai izango dituzte aurkari.