Ducassou, trinketeko eskuz banakako munduko txapeldun
Baptiste Ducassou da 2022ko trinketeko eskuz banakako munduko txapelduna, ostiral honetan (urriak 28) Biarritzeko Munduko Txapelketako finalean Luis Sanchez mendean hartuta (15-14 eta 15-2).
Ducassouk bereganatu du lehen seta 15-14ko emaitzarekin. Iparraldekoa tanto bakarragatik nagusitu zaio Nafarroakoari. Bigarren setaren hasieran, aldiz, Sanchezek min hartu du 0 eta 2 irabazten ari zenean; lurrera bota da pilota eramateko eta etzanda geratu da sorbaldako minarekin. Medikuekin egon ostean, ezin izan du jarraitu, eta bigarren seta irabazitzat eman diote Ducassouri 15-2ko emaitzarekin.
Amaieran, urrezko domina Baptiste Ducassourentzat izan da, eta zilarrezkoa zintzilikatu du Luis Sanchezek.
Laberdesque-Driolet bikotea, Xareko txapeldunak
Xareko finalean Olivier Laberdesque eta Bruno Driollet frantziarrak nagusitu dira Jose Ignacio Lopeteguiren (Irura) eta Sebastian Moncadaren aurka jokatu duten finalean, bi setetan (2-0).
Zure interesekoa izan daiteke
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Etxeberriak eta Imazek Laso eta Martija menderatu dituzte, 18-22, eta CaixaBank Mastersko sailkapena are gehiago estutu dute
Peio Etxeberria Altuna III.aren ordez aritu da, Zarautzen; nafarrak eta Imazek bikotearen aurreneko puntua eskuratu dute, eta Lasok eta Martijak, ordea, bi puntu dituztela jarraitzen dute.
Elordik eta Mariezkurrena II.ak argi menderatu dituzte Ezkurdia eta Albisu, CaixaBank Mastersean (8-22)
Bikote urdina hasieratik izan da oso nagusi, Elizondon ostiral gauean jokatutako partidan, eta, hala, 3 puntu daramatza txapelketan; Ezkurdiak eta Albisuk, ordea, puntu bakarra dute sailkapenean.
Laso-Martija gailendu dira Zarautzen, Artola-Rezustaren aurka (20-22)
Lasok eta Martijak 20-22 hartu dituzte mendean Artola eta Rezusta, Zarautzen jokatu den Caixabank Masterseko laugarren jardunaldian. Txapelketako bigarren garaipena lortuta, sailkapeneko bigarren postua lortu du bikoteak.
Laso eta Iztueta nagusitu dira Donostia Hiria Torneoan
Lasok eta Iztuetak 19-22 garaitu dituzte Ezkurdia eta Zabaleta Donostia Hiria Torneoko finalean. Lehen tantoak gorrienak izan diren arren, partida berdindu egin da eta, azkenean, Baikoko bikotea nagusitu da.
Ezkurdia eta Zabaleta Donostia Hiria Torneoaren finalerako sailkatu dira, neurketa gogor, parekatu eta zirraragarria jokatuta (22-21)
Bikote nafarrak Jokin Altunak eta Beñat Rezustak osatutako bikote gipuzkoarra mendean hartu zuen asteazkenean, finalerdietan. Horrela, Joseba Ezkurdiak eta Jose Javier Zabaletak Unai Laso eta Martxel Iztuetaren aurka neurtuko dituzte indarrak ostiral honetan, final handian. Bi finalak, Seriea A eta B, zuzenean eskainiko ditu EITBk, eta pilota jaialdia 21:00etan hasiko da.
Lasok eta Iztuetak Donostia Hiria Torneoaren finalerako txartela lortu dute
Aurrelari nafarrak eta atzelari gipuzkoarrak Peña eta Albisu hartu dituzte mendean, finalerdietan (22-12). Martxel Iztueta atzeko koadroetan nagusitu da, eta Bizkarretako aurrelariak ere atzean kargatu du jokoa. Ataun atzelariak ezin izan die aurre egin, eta bikote irabazleak abantaila hartu du markagailuan.
Zabala eta Iztueta Caixabank Masterseko lider berriak dira Bastidan irabazita (19-22)
Zabalak eta Iztuetak 19-22 irabazi diete Elordi eta Mariezkurrena ordezkatu duen Landari, Bastidan, eta Caixabank Masterseko hirugarren puntua eskuratzeaz gain, partida bat gehiagorekin, lider jarri dira.
Zabala eta Zabaleta, Andre Maria Zuriaren Torneoko finalera, Altuna eta Rezusta mendean hartuta (22-15)
Etxarrengo atzelariak, Jose Javier Zabaletak, hasiera txarra eman dio finalerdiari, baina oso ondo amaitu du norgehiagoka. Aurrelari errioxarrak eta atzelari nafarrak Larrazabalekin eta Mariezkurrenarekin egin dute hitzordua larunbatean Gasteizen jokatu den finalean.
Andre Mari Zuriaren torneoko finalean izango dira Larrazabal eta Mariezkurrena
Lehen finalerdian, Lasori eta Albisuri irabazi diete 22-13. Markagailua berdinduta egon da hasieran. Tarte horretan, Lasok egin du lanik onena gorrien aldean, Albisuk ez baita oso argi ibili. Haien huts egin eta Larrazabalek asmatu, hortaz, arrakala ireki da markagailuan.