Aimar Olaizola: 'Irujok merezimendu osoz irabazi du'

Juan Martinez de Irujo zoriondu du Aimar Olaizolak, Lau t'erdiko Txapelketako finala haren kontra galdu ostean (22-17), eta "merezimendu osoz" irabazi duela aitortu du. Aurten ere hiru txapelak eskuratuta, "historia" egin du Irujok, Aimarren ustez.

Goizuetakoa ez da ondo ibili finalean. Txapelketa osoan zehar esandakoari jarraiki, "nekatuta" egon da Aimar Olaizola, baita finalean ere. "Ongi ez zaudenean, beste modu batez jokatu behar duzu", esan du pilotariak. Gauzak horrela, beste modu batez jokatzen saiatu da Olaizola, baina ezin izan dio Irujoren aurka ezer egin.

"Hainbeste huts" egin izanaz damutu da Aimar Olaizola. Hala ere, ez du uste "adin kontua" denik. "Espero dut ezetz", gehitu du.