Artolak kontratua berritu du Baikorekin, bi urtez

Iñaki Artolak kontratua berritu du Baiko Pilota enpresarekin, beste bi urtez. Alegiako (Gipuzkoa) pozik azaldu da kontratu berria sinatu ostean, eta pilotan jokatzeko irrikatan dagoela adierazi du.

"Oso pozik nago kantxetara itzuliko naizelako eta Baikon beste bi urtez jarraituko dudalako. Hauxe zen nahi nuena. Enpresa nirekin pozik zegoela ikusi dut, eta akordiora iritsi gara. Gogotsu nago pilotan segitzeko", adierazi du Artolak kontratu berria sinatu ostean.