Ezkurdia eta Merino, Andra Mari Zuriaren Torneoko finalera
Ezkurdia eta Merino Andra Mari Zuriaren Torneoko finalera igaro dira, Altuna III eta Zubietari lehenengo finalerdian irabazita (22-18). Bikote irabazleak kontra izan zuen markagailua, baina suspertzea eta finalera sailkatzea lortu zuen.
Ezkurdia eta Merino gaur gaueko partidaren irabazleen aurka arituko dira. Bigarren finalerdian, Urrutikoetxea-Albizu eta Olaizola II-Beroiz bikoteek jokatuko dute, eta zuzenean emango dute ETB1ek eta eitb.eus-ek, 22:00etatik aurrera.
Altuna eta Zubieta nagusi izan ziren partidaren lehen tantoetan (2-8). Ezkurdia eta Merino bere lekua topatzen joan ziren geroago, eta aldea gutxitu zuten (8-10), 17ra berdindu arte, 9-1eko partzialari esker.
Momentu horretan, aurretik jarri ziren Ezkurdiaren tanto baten ostean, baina bere akats batek berdinketa ekarri zuen berriz (18-18). Azkenean, Ezkurdia eta Merinok 18 tantotan utzi zituzten aurkariak, eta finalera sailkatu ziren. Ostiralean jokatuko da, Ogeta pilotalekuan, eta zuzenean emango dute ETB1ek eta eitb.eus-ek.
Zure interesekoa izan daiteke
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Zabalak gogotik borrokatu behar izan du Larrazabal menderatzeko (22-17)
Bilboko Deportivon jokatutako partidan, Javier Zabalak lan handia egin behar izan du Iker Larrazabal mendean hartzeko (22-17). Garaipen horri esker, errioxarra Buruz Buruko finalerdietako ligaxkako B multzoko lider jarri da, bi garaipenekin. Azken jardunaldian, beraz, Zabalak Artolaren aurka jokatuko du; Larrazabalek, berriz, Peña II.aren aurka neurtuko ditu indarrak.
Sagardui-Gaminde eta Ruiz de Infante-Erasun, Nafarroako Emakume Master Cupeko finalera
Sagardui eta Gamindek Salsamendi eta Mendiburu 22 eta 13 irabazita lortu dute txartela, eta, Ruiz de Infante eta Erasun, Zabaleta eta Arrillagari 22 eta 19 irabazi ostean sailkatu dira. Finala igandean jokatuko dute.
Espinal eta Duccassou, trinketeko Binakako txapeldun!
Baionako Moderno trinketean jokatutako trinketeko Binakako finalean, Battitta Ducassouk eta Iker Espinalek mendean hartu dituzte Ziarrusta eta Ugarte (40-29). Garaipen horri esker, Espinalek bigarren urtez jarraian jantzi du Binakako txapela, eta Ducassourentzat ere Binakako bigarren txapela izan da.
Ezkurra eta Goikoetxea, Berria Txapelketako txapeldun
Ezkurra II.a eta Goikoetxea VI.a nagusitu dira Berria Txapelketako finalean, Arluziaga eta Azpiroz bi setetan garaituta (15-14 eta 15-9). Goikoetxeak hirugarrenez irabazi du txapelketa.
Artolak markagailua irauli eta Peña mendean hartu du (22-19)
Iñaki Artola larri ibili bada ere, partida irauli eta Jon Ander Peña garaitu du Buruz Buruko final-laurdenetako ligaxkako bigarren jardunaldian (22-19). Garaipen horri esker, Artolak azken jardunaldian jokatuko du Zabalaren aurka; Peñak, berriz, oso zaila du aurrera egitea.
Donibane Lohizuneko All Starraren finalak erabakita geratu dira
Donibane Lohizuneko All Starraren emakumezkoen kinielan, Erika eta Maialen sailkatu dira lehen postuan, eta Helena eta Oaia izango dituzte aurkari finalean. Gizonezkoetan, berriz, Tambourindeguy-Oyhenard eta Urreisti-Basque bikoteak izango dira nor baino nor gehiago.
Ezkurra II-Goikoetxea VI eta Arluziaga-Azpiroz bikoteak izango dira aurrez aurre erremonteko Berria Txapelketako finalean
Josetxo Ezkurra eta Joseba Goikoetxea Mattin Arluziaga eta Xabi Azpirozen aurka arituko dira erremonteko Berria Txapelketako finalean. Norgehiagoka zuzenean eskainiko dugu kirolakeitb.eus atarian eta ETB2 On telebista katean, larunbat honetan, 16:30etik aurrera.
Bixente-Atain eta Erkiaga-Gorka, eta Pape-Lizardi eta Laugie-Mercadie, Donibane Lohizuneko All Starreko finalera
Astearteko kinieletan, bikote onenak izan ziren, eta, horrenbestez, finaletarako txartelak eskuratu dituzte; horiek datorren asteartean jokatuko dituzte, hilaren 28an.
Hego Euskal Herriko hiru pilotari trinketeko Binakako finalean, Historian lehenengoz
Igande honetan, apirilaren 26an, jokatuko da finala Baionako Moderno trinketean. Espinal nafarra eta Ducassou lapurtarra faborito dira Ziarrusta eta Ugarte bizkaitarren aurrean. Finala zuzenean jarraitu ahal izango da ETB1en, ETB2 ONen eta eitbkirolak.eus-en.