2021eko Zegama-Aizkorri, bertan behera

Aurten ere bertan behera geratu da Zegama-Aizkorri mendi lasterketa covid-19 koronabirusaren eraginez. Iazko edizioa ere arrazoi berdinarengatik geratu zen bertan behera.

"2021ean ez gara batera egongo, baina Zegamak aurrera jarraitzen du. Aurten, iazko hutsunea bete ahal izateko gogor lan egin dugu, baina antolakuntzak ezin izan du bermatu parte-hartzaile guztien segurtasuna", jakinarazi du antolakuntzak komunikatu ofizial baten bidez.

2022rako dortsalak eta denborak gordeko dira; gainera, datorren urtean ez da dortsalen zozketarik egingo, eta ez da aurre-inskripziorik egongo.