PGA Tourraren eta Jon Rahmek jokatuko duen LIV Golf txapelketaren arteko alde nagusienak
Jon Rahm euskal golf jokalariak asteburu honetan hasiko du Arabiako LIV Golf zirkuitua. Urtean hamabi torneo antolatzen ditu zenbait herrialdetan Arabiako Inbertsio Funtsak bultzatutako ekimen horrek. Hori dela eta, Rahmek ezin izango du PGA Tourrean parte hartu, lau salbuespen hauetan izan ezik: Masters, PGA Championship, Open Championship eta US Open txapelketetan.
PGA eta LIV Tourraren arteko desberdintasun nagusiak
-Hiru lehia egun: Rahmek egun bat gutxiagoko torneoak jokatuko ditu. PGA Tourreko txapelketek lau egun dituzte, ostegunetik igandera; orain, ordea, hiru izango dira, ostiraletik igandera.
-54 zulo: Hiru egun izanik, jokalariek ez dituzte lau itzuli emango; hiru, baizik. PGA Tourrean 72 zuloko ibilbideak dira; LIV Golfen, ordea, 54. Beraz, aldeak PGAn baino gehiago estutu daitezke. Hori da, hain zuzen ere, Arabiako ligari izena ematen dion datua, 54 zenbaki erromatarretan idatzita 'LIV' baita.
-Ez dago galbaherik ostiraletan: LIV Golf zirkuituak ez du galbaherik egiten. PGAn, ostiraleko jardunaldia amaitzean, lehen 65 golflari sailkatuak larunbateko eta igandeko lehiara egiten dute aurrera; gainerakoak, aldiz, torneotik kapo geratzen dira. LIV ligan, ostera, parte hartzaile oro iristen da asteburura, sailkapena edozein dela ere.
-Banaka eta taldeka jokatzen da: Banakako lehiaz gain, LIV Golf zirkuituak taldekakoa ere antolatzen du, ikuskizuna areagotzeko. Lau jokalariz osatutako 13 talde daude, norbere logotipo, izen eta kolorearekin bereizita. Lehen bi txandetean, multzo bakoitzeko bi puntuazio onenak sailkapen orokor bati gehitzen zaizkio. Ondoren, hirugarren jardunaldian, talde bakoitzeko hirugarren jokalari onenaren puntuak ere kontuan hartuko dituzte. Denboraldi amaieran, Teams Championship txapelketa egiten dute, taldeka.
-Ez dago janzkera koderik: PGAk Ameriketako Estatu Batuetan egiten dituen ekitaldietan, jokalariek galtza luzeak eraman behar dituzte, baina LIVak ez dituenez ezertara derrigortzen, nahi duten moduan jantzita joan daitezke.
-Jardunaldi laburragoak, denak batera hasten direlako. Shotgun vs tee time: Amerikako zirkuituan, jardunaldiak luzeak izaten dira, hirukote bakoitzak lehendabiziko zuloko tee gunetik, hots, irteera puntutik abiatzeko ordu jakin bat duelako, aurreko taldea baino bost edo hamar minutu geroago. LIV ligan, berriz, shotgun izeneko guneak daude: zulo bakoitzean, 1etik 18ra, jokalari bat zain egongo da, irteera emango dion klaxon soinuak noiz joko. Orduan hasiko dira 18 jokalari; minutu bat geroago, beste 18ak, eta gero, azken 18ak. Hori dela eta, lauzpabost orduko jardunaldiak izan ohi dira.
-Sari handiagoak: Torneo bakoitzak 25 milioi dolarreko poltsa du (20 milioi banakako lehiarako, eta bost taldeentzat). LIV Tourreko txapelketa bateko garaileak 4 milioi dolar eskuratuko ditu. Talde irabazlearen kasuan, kide bakoitzak 750.000 dolar eramango ditu etxera. Halaber, denboraldia ixten duten torneoek poltsa berezia dute.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.