Albiste da:

Djokovicek irabazi du AEBko Irekia, bere ibilbideko 24. grand slama

Tenislari serbiarrak hiru setetan garaitu du Medvedev, hiru ordu eta 17 minutu iraun duen finalean: 6-3, 7-6 (5) eta 6-3. Horrenbestez, ATP sailkapeneko lehen tokia lortu du, Carlos Alcarazi lekua kenduta.

Resumen de la final del US Open — US Openeko finalaren laburpena: Djokovic izan da nagusi

AGENTZIAK | EITB

2023/09/11 - 11:49

Azken eguneratzea

2023/09/11 - 11:49

Novak Djokovic serbiarrak Daniil Medvedev errusiarra garaitu du igandean, AEBko Irekiaren finalean, eta bere ibilbideko 24. grand slama eskuratu du. Hala, Margaret Courten errekor historikoa berdindu du. Bide batez, ATP sailkapeneko lehen tokia lortu du, Carlos Alcarazi lekua kenduta.

Tenislari serbiarrak hiru setetan hartu du mendean Medvedev, hiru ordu eta 17 minutuko neurketan: 6-3, 7-6 (5) eta 6-3.

36 urterekin, Djokovic berdinduta zegoen Serena Williamsekin Open Garaiko txapelketa handi gehien dituzten tenislarien zerrendan, 23na grand slam baitzituzten; orain, ordea, errekor hori gainditzeaz gain, marka absolutua Courtekin elkarbanatuko du.