Gurutze Frades eta Rebecca Clarke, datorren igandeko Gasteizko Ironmanean
Gurutze Frades euskal triatleta eta Rebecca Clarke zeelandaberritarra Gasteizko Ironmanean izango dira igandean, hilaren 16an. Laugarren aldiz jokatuko dute proba, eta, antolatzaileek esan dutenez, 58 herrialdetako 1.500 atletak parte hartuko dute; emakumezkoetan, 20 bat profesionalek.
Emakumezko triatleten helburua izango da, garaipena lortzeaz gain, Hawaiiko Konan egingo duten VinFast Munduko Txapelketarako tokia eskuratzea. Gurutze Fradesek badu bermatuta Konan izatea, 2022ko azaroan Mexikoko Cozumelen irabazi baitzuen beste Ironman bat: "Ez da ohikoa, niretzat, eta, hainbat urtez, senideeketa lagunek urrutitik jarraitu dute nire kirol ibilbidea. Berezia izango da etxean korrika egitea, jende ezagun asko gerturatuko da Gasteizko kaleetara, lasterketaren egunean", esan du.
Frades eta Clarke alde batera utzita, beste hauek ere izango dira Gasteizen: Helene Alberdi, Svenja Thoes alemaniarra, Els Visser herbeheretarra, Alexandra Tondeur belgikarra eta Sara Svensk suediarra.
Oraingo honetan, Gasteizko Ironman honetan, gizonezkoetan, Nizan (Frantzia) irailaren 10ean jokatuko duten VinFast Ironman World Championship txapelketan parte hartzeko 100 toki jarriko ditu jokoan; emakumezkoetan, Konako probarako 50 toki izango dira eskuragai. Azken hori urriaren 14an egingo dute.
Igeriketako, bizikletako eta oinezko lasterketako tarteak Uribarri Ganboako urtegian hasiko dira. Zirkuitua, 3,8 kilometrokoa bera, balio ekologiko handia duen ingurune batean dago, haritzetako basoengatik eta hiririk gertu dauden hezeguneengatik. Bizikletaz egiteko ibilbidea, 180 kilometrokoa, Arabako Lautadan jokatuko dute; azkenik, maratoian Gasteizko erdigunetik arituko dira, eta lau itzuli eman beharko dizkiote zirkuituari. Helmuga Plaza Berrian izango da.
Zure interesekoa izan daiteke
VII. Armada Cup aurkeztu dute Donostian
Ostegun goizean aurkeztu dute Armada Cup-en VII. edizioa, Donostian. 460 itsas miliako itsas zeharkaldia uztailaren 18an abiatuko da Plymouthetik, eta 20tik 23ra bitartean iritsiko omen dira Donostiara. (Bideoa gazteleraz)
Iskander Sagarminaga, Hawaiiko kanala zeharkatu ostean: “Oso basatia eta gogorra izan da”
Iskander Sagarminaga igerilari galdakaoztarrak Hawaiiko kanala zeharkatzea lortu du, baina esperotakoa baino esperientzia gogorragoa izan da, elkarrizketa honetan azaldu duenaren arabera. Eider bikotekidea eta ilustratzailea izan du lagun bidaian.
Emakumezkoen Askartza taldeak lehen mailara igotzea lortu du
Emakumezkoen Askartza Claret waterpolo taldeak, lehen mailara igotzera lortu du. 14 urtetik 20ra bitarteko gazteek osatzen dute taldea. Horrek hurrengo denboraldiari aurre egiteko zailtasunak sor ditzakeen arren, handiena igerilekua izango da, ezingo baitute bertan jokatu. Keren Sellan eta Jone Mugarra jokalariekin egon gara, baita Isusko Arias entrenatzailearekin ere.
Jon Rahm zortzigarren postuan kokatu da munduko sailkapenean, 2024ko ekainetik ondoen
Euskal golf-jokalariak lau postu egin du gora aurreko astelehenarekin alderatuta, LIV Golf Andaluzian bigarren tokian amaituta. 2025eko denboraldia bukatu zenean, Rahm 84. postuan zebilen, mundu mailan.
Nellly Kordak Estatu Batuetako Irekia irabazi du, eta lau txapelketa nagusi daramatza bere ibilbidean
Golf-jokalari estatubatuarra kolpe bateko abantailaz gailendu da; Gaby Lopez mexikarra eta Charley Hull britainiarra izan dira bigarren postuan, berdinduta. Kordak zortzi parretik behera izan du, txapelketa amaituta.
Zverevek sufritu egin bere lehenengo handia irabazteko Parisen
Alemaniarrak Flavio Coboli garaitu du oso parekatuta egon den partida batean, hau bostgarren setean erabaki da, eta bertan, Zverev italiarraren gainetik pasa da.
Rahmek ezin izan du eragotzi Hattonen garaipena Valderraman
Barrikoztarra bi kolpera geratu da, eta bigarren postuan bukatu du Andaluziako txapelketa.
Maddi Barona, Andrea Mendiguren eta Nico Perez garaile Kyokushineko Munduko Kopan
Yin Yang Gasteizko karate klubaren 50. urteurrena dela eta, Kyokushineko Munduko Kopako proba bat Arabako hiriburuan egin da. 24 herrialdetako 460 karateka lehiatu dira Mendizorrotzan. 10 final jokatu dira, eta hirutan etxekoak nagusitu dira: Maddi Barona, 65 kilotik beherako 23 urtez azpiko mailan, Andrea Mendiguren, 55 kilotik beherako senior mailan, eta Nico Perez, 75 kilotik beherako senior mailan.
Andreevak bere lehenengo handia irabazi du Roland Garrosen
Tenislari errusiarrak Maja Chwalinska poloniarra garaitu du bi setetan (6-3 eta 6-2), ordubete eta 22 minutu iraun duen finalean.
Carlota Cigandak ez du kortea igaro AEBko Irekian
Nafarrak parretik gora 8 kolpe pilatu ditu guztira bigarren jardunaldiaren amaieran, eta 4 kolpe edo gutxiago bildu dituzten jokalariek egin dute aurrera.