Dakarreko zuzendariak ez dauka buruan lasterketa bertan behera uztea auto batean izandako leherketaren ondoren
David Castera Dakar Rallyko zuzendariak ostiral honetan adierazi duenez, ez dute Saudi Arabian korritzen ari den lasterketaren aurtengo edizioa geldiarazteko asmorik. Hala erantzun die Jean-Yves Le Drian Frantziako Atzerri ministroaren adierazpenei, abenduaren 30ean Philippe Boutron pilotu frantziarraren ibilgailuan gertatutako eztandaren harira egindakoei, hain zuzen ere.
"Gaur gaurkoz, aukera hori ez dago mahai gainean, elementu gehigarririk ez dagoelako. Kontua da jakitea zer gertatu zen abenduaren 30ean", esan zuen France TV Sport katean.
Casterak azaldu duenez, lasterketako antolatzaileek eta Saudi Arabiako agintariek segurtasun-neurri osagarriak jarri dituzte martxan, batez ere kanpamenduetan, irteeretan eta helmugetan.
Ostiral honetan BFM TV telebista-kateari eskainitako elkarrizketa batean, Le Drianek esan du nahiago izango zukeela Dakarra gelditu izan balitz, Boutron frantziarraren ibilgailuan izandako leherketaren ostean. Izan ere, premiazko ebakuntza egin behar izan zioten gidariari, hanketan zauri larriak izan ondoren, eta hainbat egun koman eman zituen.
Terrorismoaren aurkako Frantziako Fiskaltza gertatutakoa ikertzen ari da, eta Gobernuak baieztatu du leherketa atentatu bat izan zen susmoa duela, eta ez istripu bat, hasiera batean Saudi Arabiak azaldu zuen bezala.
Casterak onartu du atentatuaren hipotesia baieztatzen bada, Saudi Arabiarekin sinatutako bi urteko kontratuaren jarraipena kolokan egon daitekeela.
"Elementu horiekin guztiekin, egia da galderak planteatzen direla. Oraingoz, erantzun guztiak izan arte, itxaron egin behar da. Amaitu dezagun lasterketa hau eta ikusiko dugu aurrerago", iritzi dio.
"Kirola egiten badugu, gure pasioa gozatzeko eta bizitzeko da, ez atentatu baten biktima izateko, hala badagokio. Tristura izugarria da. Gure pentsamenduak berarekin daude", gehitu du.
Zure interesekoa izan daiteke
Wiesberger austriarra Adrian Otaeguiri gailendu zaio Txinako Irekian
Otaeguik gertu izan du garaipena DP World Tourreko Txinako Irekian, baina azkenean amore eman du Bernd Wiesberger austriarraren aurka.
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.