Kerman Lejarraga KOz gailendu zaio Flatleyri eta Europako gerrikoari eutsi dio
Kerman Lejarraga bizkaitarrak Europako Boxeo Batasuneko (EBU, European Boxing Union) superwelter mailako txapeldun tituluari eutsi dio ostiral honetan, Jack Flatley boxeolari ingelesa konorterik gabe utzi baitu bederatzigarren roundean. Borrokaldia Bilbao Arenan jokatu da, 4.000 ikusle bertaratu dituen boxeo-jaialdiaren barruan.
Bederatzigarren round horretatik hogeita hamar segundo baino igaro ez direnean, britainiarraren aurpegian jotako eskuinkada bortitzak azkenerako eraitsi du haren erresistentzia. 'Morgako errebolberra' ia beti nagusi izan da, nahiz eta gogor lan egin behar izan duen Boltongo boxeolaria mendean hartzeko.
Oldarkor hasi da Lejarraga. Lehen asaltoa bukatzeko 20 segundoren faltan, ezkerkada garbi bat sartu dio aurkariaren kokotsera, eta Flatleyk belaunikatu egin behar izan du. Hala, bazirudien etxekoen idoloaren garaipen erreza ikusiko zutela Bilbao Arenara bertaratutakoek.
Ordea, ingelesa bere onera itzuli da bigarren roundean eta kolpe arriskutsuren bat jotzeko gai izan da, bizkaitarraren erasoak geldiaraziz. Lejarragak, beti ringaren erdian nagusi izanik, distantzia hartu eta bere higatze-lanarekin jarraitu du, ezkerrarekin Flatley behin eta berriz mailukatuz.
Laugarren atalean, ingelesaren erreakzioa etorri da, baina Morgakoak ondo eutsi dio, nagusitzen jarraitzeko eta, tentuz izan bada ere, bere kolpeen erritmoa areagotu du, gero eta joago zegoen Flatleyren aurrean.
Zazpigarren eta zortzigarren asaltoak oinaze bat izan dira txapeldungaiarentzat, eta une batez erortzeko zorian izan da. Dena den, bederatzigarrenera arte iraun du Flatleyk, baina hor amore eman behar izan du lurrera bidali duen ezkerkada paregabea jaso duenean. Gainera, zenbait minutuz artatu behar izan dute medikuek, epaileen erabakia entzun aurretik.
Horrenbestez, koroa kontinentalaren borondatezko defentsan lortutako garaipen horrekin, dagoeneko 34 dira Lejarragak (29 urte) bere palmaresean dituen garaipenak, horietatik 25 denbora muga baino lehen lortutakoak.
Riverok galdu egin du
Jaialdiko beste borrokaldietako batean, Guillermo Rivero bizkaitarra Espainiako superertain mailako gerrikoaren bila lehiatu da, baina amore eman behar izan du Damian Biacho 'Guinea'ren aurka. Biacho zortzigarren roundean nagusitu da KO teknikoz (dagoeneko 12 garaipen ditu, horietako lau denbora muga aurretik bereganatutakoak).
Boxeolari madrildarraren garaipen argia izan da, adoretsu jardun duen Rivero baino askoz gehiago izan baita teknikoki zein fisikoki (ziurrena nabaritu egin du ia hiru urte borrokatu gabe egon izana). Lau aldiz bidali du olana gainera madrildarrak getxoztarra, eta azkenerako, borrokaldia geratzea erabaki dute bere bizkaitarraren izkinatxotik.
Zure interesekoa izan daiteke
Nadia Erostarbe: “Izugarria da miretsi dudan hainbeste jenderekin egotea"
Zarauzko surflaria egun batzuk etxean emango ditu, bere ingurukoekin egoteko. Denboraldiaren lehen zatian nola joan zaion aztertu du, eta, era berean, une bikaina igarotzen ari dela onartu du. Zarauztarra Championship Tourreko, Munduko zirkuiturik zorrotzeneko, sailkapen nagusiko top 10ean dago, lehen sei probak jokatu eta gero. Denboraldiko bigarren zatian ere maila horretan jarraitzea espero du.
Nadia Erostarbe, hirugarren Championship Tourreko Saquarema Pro proban
Zarauztarrak 8,67ko emaitza lortu du finalaurrekoetan, Tya Zebrowski frantziarraren 14,84koaren aurka.
Wyndham Clarkek irabazi du Estatu Batuetako Irekia, bere ibilbidean bigarrenez
Lau parraz azpitik eginda, Clarkek 2023an lortu zuen garaipena berretsi du. Txapeldunak Sam Burnsek baino kolpe bat gutxiago egin du; azken hori igandeko jardunaldia amaitu arte aritu zen irabazteko lehian. Jon Rahm, ostiralean txapelketatik at geldituta, munduko sailkapeneko hamargarren posturaino jaitsi da.
Mario Galiano andaluziarra gailendu da Meaztegin bigarrenez jarraian
Mario Galiano andaluziarra nagusitu da V. Bizkaia Openean, eta iaz bezala gailendu da Meaztegiko zelaian. Galianok nagusitasunez irabazi du 3 jardunaldietan, parretik behera 14 kolpe pilatuta. Alvaro Morales eta Marc Sabria 3 kolpera sailkatu dira, biak parretik behera 11 kolpeko txartela aurkeztuta. Augustako Mastersa birritan irabazi duen Jose Maria Olazabal 36. postuan sailkatu da.
Burdin Hesiko mendi lasterketa; memoria, elkartasuna eta kirola
Gamiz-Fikan Burdin Hesiko mendi lasterketa solidarioaren edizio berri bat jokatu da, lehiaketara ihes egiten ez duen baina bere izaera solidarioari eusten dion proba. Aurten, errekorra izan da, 1.200 parte-hartzailerekin. Garaipena Zaid Ait Malekentzat eta Sonia Vizcainorentzat izan da.
Rahmek ez du kortea pasatu AEBko Irekian
Bigarren jardunaldi gorabeheratsu baten ondoren, Barrikakoak 6 kolpe hartu ditu parearen gainean, eta bertan behera utzi behar izan du.
Kirol ekitaldiak eta beroa: “Hidratazioa da garrantzitsuena”
Iñaki Arratibel medikuak gomendio batzuk ematen dizkie kirola egiten dutenei bero handia egiten duen egunetan. Hidratazioaz gain, oso garrantzitsuak dira, elikadura, janzkera eta norberaren zentzua.
Jon Rahmek bigarren bukatu du eguna AEBko Irekian, lainoak baldintzatutako lehen jardunaldian 2 parretik behera eginda
Behin-behinean, euskal golf-jokalariak 4 kolpera du liderra, Wyndham Clark estatubatuarra. Meteorologia tarteko, txapelketa ia bi orduz gelditu behar izan dute. Rahmen 13 zulo jokatu ditu, eta zazpi lehiakiderekin dago bigarren postuan berdinduta.
Jose Maria Olazabal: “V. Bizkaia Openak etorkizun ona dauka; profesionalek zelaia eta txapelketa maite ditugu”
Jose Maria Olazabal, Augustako Mastersa bi aldiz irabazi duen jokalaria, V. Bizkaia Openeko kartelaren buru da, Espainiako Golf Profesionalaren Elkarteko (PGAe) zirkuituaren txapelketa garrantzitsuenetakoan. Olazabalekin batera, beste 145 jokalarik eman dute izena. Hondarribikoak ostegun honetan hasi den US Opena ere aztertu du, baita Jon Rahmek txapelketan izango dituen aukerak ere.
Donostiako Hipodromoaren 110. Udako Denboraldia aurkeztu dute
EITBk lankidetza hitzarmena berreskuratu du Donostiako Hipodromoarekin eta albistegi zein euskarri digitalean ikusgai izango dira Udako 110. Denboraldiko lasterketen laburpenak.