Paul de la Cuesta eta Lucas Eguibar, Neguko Olinpiar Jokoetara
Hilabete baino ez da falta Sochin (Errusian), otsailaren 7a eta 23a artean Neguko Olinpiar Jokoak ospatzeko eta euskal ordezkaritzak hiru kirolari sailkatuta ditu jada bertan lehiatzeko (horietako bat lesio batetik noiz sendatuko den zain). Beste bik berriz lehian izango dute sailkapena urtarrilean zehar izango dituzten txapelketetan. Bost kirolari gipuzkoar dira guztira: Paul De la Cuesta eskiatzailea eta Lucas Eguibar boarderra (txartela lortu dute dagoeneko); Jon Santacana eskiatzaile paralinpiarra, orpazurda hautsi eta gero errekuperazio lanetan ari dena, eta Joseba eta Imanol Rojo anaiak, iraupen eskian sailkatzeko dituzten aukerak urtarrilean zehar argituko dituztenak.
Paul De la Cuestak (Donostia, 1988/11/28) 2014ko Jokoetarako sailkapena lortu du jada eta bertan honako proba hauetan parte hartu dezake; Jeitsiera (2/9), Super Konbinatua (2/14), Super Erraldoia (2/16) eta Erraldoia (2/19). 2010ean Vancouverreko Neguko Olinpiar Jokoetan hartu zuen parte donostiarrak eta 32. Amaitu zuen Eslalomean, 35. Super Erraldoian eta 51. Jeitsieran. Azken urtean, 2013ko Munduko txapelketan inoizko emaitzarik onenak lortu zituen Austriako Schaldming eski estazioan, 18. amaitu zuen Super Konbinatuan, 33. Jeitsieran eta 37. Super Erraldoian.
Lucas Eguibarrrek (Donostia, 1994/02/09) ere Sochirako sailkapena lortu du jada eta bertan SBX (Snowboardcross) proban hartuko du parte lehen aldiz. 2012-2013. denboraldia izan zuen aurrenekoa senior mailan eta emaitza nabarmenak lortuz gainera (6. izan zen Sierra Nevadan eta 3. Suitzako Arosan). 2012an Munduko junior txapelduna izendatu zen Erzurumen (Turkia) eta bere kirol-ibilbidean zenbait garaipen ere lortu ditu Europa Cup txapelketan. Hurrengo egunetan, urtarrilaren 9tik 12ra bitartean, Vallnordeko Munduko Kopan arituko da Andorran, Jokoen aurretik egingo den goi mailako azken lehiaketariko baten parte hartuz.
Jon Santacana (Donostia, 1980/11/1) iragan irailean Australian entrenatzen ari zela Akilesen tendoia hautsi eta gero, errekuperazio lanetan ari da gaur egun. Sendatu ezkero Sochiko 2014ko Paralinpiar Jokoetan lehiatuko litzateke bere laugarren parte hartzean, Salt Lake City (2002), Turin (2006) eta Vancouverren (2010) egon eta gero. Guztira 6 domina lortu ditu eskiatzaile paralinpiarrak, hiru 2002an eta beste hiru 2010ean. Bere kirol-lorpenen artean urrezko, zilarrezko eta brontzezko dominak pilatu ditu era berean Munduko Kopatan, Munduko txapelketetan eta Europakoetan. B2 mailako ikusmen-urritasuna du Jonek eta 2012-2013 denboraldia bere ibilbideko oparoenetarikoa izan du Miguel Galindo bere gidarekin batera. Elkarrekin urrezko hiru domina eskuratu zituzten Munduko Txapelketan, eta horrez gain, Munduko Kopako eta Europako Kopako sailkapen orokorra. Sochiko Joko Paralinpiarretako probak martxoaren 8tik 15era artean ospatuko dira.
Bien bitartean Joseba eta Imanol Rojo anai tolosarrek lehian jarraitzen dute, Javier Gutierrez kantabriarrarekin batera. Iraupen eskiko proban parte hartzeko txartela dute jokoan. Estatuko eskiatzaileek hurrengo probetan lortzen dituzten emaitzen arabera erabakiko da guztia urtarrilaren amaierarako.
Zure interesekoa izan daiteke
Nahia Zudairek sei domina irabazi ditu, eta Iñigo Llopisek hiru, igeriketa paralinpikoko Europako txapelketan
Kocaelin (Turkia) jokatu duten txapelketan, Zudairek urrezko domina bat, zilarrezko lau eta brontzezko bat bereganatu ditu, eta Llopisek, urrezko bat eta zilarrezko bi.
Europak AEB garaitu du Solheim Kopan, eta puntu erabakigarria Carlota Cigandak lortu du
Carlota Cigandak Jennifer Kupcho estatubatuarraren aurkako partida irabazi du txapelketako azken jardunaldian, eta puntu horri esker eskuratu du Europak Solheim kopa.
Rybakina nagusitu da AEBko Irekian, finalean Sabalenka menderatuta
Elena Rybakinak irabazi du AEBko Irekia, Aryna Sabalenka 6-4, 5-7 eta 6-2 mendean hartuta. Garaipen honekin, kazakhstandarrak bere hirugarren Grand Slama lortu du, eta munduko lehen postua.
Miren Lazkanok zilarra irabazi du La Seu d'Urgelleko Munduko Kopako kanoa proban
12 onenen txandan, Lazkanok 104.55eko azken denbora egin du, eta Ana Satila brasildarrarengandik 0.70era sailkatu da.
Zverev eta Shelton, AEBko Irekiko finalean
Alexander Zverevek eta Ben Sheltonek jokatuko dute igande honetan AEBko Irekiko finala, Karen Khatxanov eta Frances Tiafoe gainditu ostean, hurrenez hurren.
Maialen Chourraut, hirugarrena K1eko sailkapen nagusian
Euskal palistak denboraldi bikaina egin du K1eko Munduko Kopan. 227 puntu lortu ditu eta hirugarren postuan kokatu da sailkapen nagusian.
Ardi Moztaileen Nazioarteko Txapelketa, irailaren 19an, Elizondon
Datorren irailaren 19an, Ardi Moztaileen Nazioarteko Txapelketa antolatu dute Elizondon, eta gaur goizean egin dute aurkezpena. Euskal Herriko moztaileak ez ezik, beste hainbat herrialdeetatik ere etorriko dira lehian parte hartzera.
Novak Djokovic Estatu Batuetako Irekitik kanpo geratu da, lehen errondan galdu du eta
Novak Djokovic tenis-jokalari serbiarra Estatu Batuetako Irekitik kanpo geratu da, lehen errondako partida galdu baitu, Mariano Navoneren aurka. Akituta amaitu du neurketa.
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.