Realak puntu eskasa lortu du hamarren kontra Balaidosen, eta zuloan segitzen du (1-1)
Realak eta Celtak 1-1 amaitu dute igande honetan Balaidosen jokatu duten partida, eta, horrenbestez, Realak EA Sports Ligako sailkapeneko jaitsiera postuetan jarraitzen du.
Talde txuri-urdinak bat gehiagorekin jokatu du bigarren zati osoa, baina, hala ere, ezin izan du emaitza irauli, 1-0 galtzen hasi eta gero. Carlos Solerrek parekatu du markagailua, norgehiagokaren azken minutuan.
Lehen zatian, Celta Reala baino gehiago izan da. Neurketa kontrolpean izan du, baloiaren jabetza berea izan da, eta jokaldi bikain batean sartu du 1-0ekoa. Pablo Duranek egin du gola, Minguezaren pasea baliatuta.
Edonola ere, txuri-urdinak ez dira atzean gelditu, eta berdinketaren bila joan dira. Pare bat aukera izan dituzte gola sartzeko, garbiena Mikel Oyarzabalena, baina kapitainak buruz egindako errematea kanpora joan da, oso gutxigatik izan bada ere.
Lehen zatia polemikarekin bukatu da. Atsedenaldia heldu baino lehen, Martinez Munuera epaileak Carl Starfelt kanporatu du, bigarren txartel horia aterata, eta horrek haserrea piztu du etxeko taldean.
Horrenbestez, Realak jokalari bat gehiagorekin ekin dio bigarren zatiari, emaitza iraultzeko helburuarekin, eta Oyarzabalek neurketa hasi eta berehala sartu du berdinketaren gola. Hala ere, jokoz kanpo zegoen, eta epaileak baliorik gabe utzi du, VAReko epaileak ohartarazi eta gero.
Hamaika hamarren aurka aritu diren heinean, partida erabat aldatu da. Realak aurrera egin du, halabeharrez, eta, Celtak, berriz, atzera. Sergio Franciscoren taldeak baloia Galiziako taldearen zelaian mugitu du alde batetik bestera, baina arrisku nahikorik sortu gabe, Claudio Giraldezen mutilek horma sendoa eraiki dutelako defentsan.
Neurketaren azken txanpan, txuri-urdinak behin eta berriro saiatu dira gola sartzen, eta Celtako jokalariak euren areatik atera ezinik egon dira. Carlos Solerrek, Karrikaburuk eta Oyarzabalek izan dituzte aukerarik onenak, baina Radu atezainak geldiketa erabakigarriak egin ditu.
Reala erasoan buru-belarri murgilduta zegoenean, Celtak 2-0ekoa sartzeko aukera ezin hobea izan du 83. minutuan egindako kontraeraso azkar batean, baina Abdellaouik baloia kanpora bota du, Remiroren aurrean bakarrik geratu eta gero.
Celtak ez du partida itxi, eta txuri-urdinek 89. minutuan sartu dute berdinketa jarri duen gola. Bigarren zatian zelairatu diren Carlos Soler eta Gonçalo Guedes izan dira protagonistak. Lehendabizikoak sartu du gola, buruz, bigarrenaren erdiraketa ondo aprobetxatuta.
Luzapenean, azken segundoraino ahalegindu dira txuri-urdinak, baina ezinezkoa izan zaie emaitza iraultzea, jokalariek dena eman duten arren.
Partida ikusita, ontzat eman daiteke Realak lortutako puntua, baina Sergio Franciscoren taldeak garaipena behar zuen jaitsiera postuetatik ateratzeko eta bolada txarra amaitzeko, eta ez da horrelakorik izan.
Zure interesekoa izan daiteke
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.