Realak hiru puntuak eskuratu ditu Butarquen, Europako zonaldeetara hurbilduz (0-3)
Imanol Alguacilen taldeak 0-3 irabazi dio Leganesi igande honetan Butarque futbol-zelaian, Brais Mendezek 14. minutuan, Ander Barrenetxeak 78. minutuan eta Mikel Oyarzabalek egindako golei esker. Taldea Europako postuetara hurbildu da horrela.
Partidako lehen minutuetan, nagusi izan da etxeko taldea. Realak hasieran eutsi egin dio, pixkanaka askatzen joan da, eta Kuboren kalitateari esker, aukerak izaten hasi da.
Lehen zatiko lehen laurdenean iritsi da Brais Mendezen gola, bisitariak markagailuan aurretik jarri dituena. Kubok Sergio Gomezi ireki dio, Sucicek baloia pasatzen utzi du, eta galiziarra bigarren zutoinean agertu da, Donostiako taldea aurreratzeko (0-1).
19.ean, Leganesek izan du partida berdintzeko aukera. Rosierrek baloia area barruan jarri du, Neyou atzetik heldu da, baina ez du oina ondo jarri, eta baloia langa gainetik joan zaio.
Realak atsedenaldira 0-2koarekin joateko beste aukera argi bat izan du. Remiroren sake bikain baten eta Oyarzabalen heriotzaren pase baten ostean, Susicek errematea egin du, baina Dmitrovicen geldiketa bikainak gola eragotzi du.
Bigarren zatian, Borja Jimenezen taldeak izan du lehen gol aukera. Oscarren burukada bikain baten ostean, Cascanteko atezaina luzatu egin da berdinketa saihesteko, 55. minutuan.
77.ean, berriz, talde txuri-urdinak geldikako aukera aprobetxatu du. Barrenek, zelaian sartu berritan, aldaratze bat harrapatu du area barruan faltaren irteeran, eta sare barrura bota du. Partida erabakita utzi du (0-2).
Partida amaitu aurretik, zelaian noraezean zebilen aurkari baten aurka, beste gol bat sartzeko gai izan da Reala. Mikel Oyarzabalek egin du, aurretik bi jokalarik area barruan pilota pasatu ondoren, defentsaren pasibotasunaren aurrean (0-3).
Fitxa teknikoa:
0 - Leganes: Dmitrovic; Rosier, Sergio Gonzalez, Nastasic, Javi Hernandez; Neyou, Tapia (Munir, 78. min); Diego García, Oscar Rodriguez, Cisse (Juan Cruz, 60. min); eta Miguel de la Fuente.
3 - Reala: Remiro; Aramburu, Zubeldia, Aguerd, Aihen (Javi Lopez, 31. min); Kubo (Becker, 76. min), Zubimendi (Olasagasti, 50. min), Sucic, Brais Mendez; Oyarzabal eta Sergio Gomez (Barrenetxea, 76. min).
Golak: 0-1, 13. min: Brais Mendez. 0-2, 78. min: Barrenetxea. 0-3, 91. min: Oyarzabal.
Epailea: Pablo Gonzalez Fuertes.
Zure interesekoa izan daiteke
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.
Jon Martin: “Bigarren zatian kostata ibili gara, ezin izan ditugu trantsizioak egin”
Jon Martinek sartu du Gironaren aurkako partidako gola, bere bigarrena eta “jarraitzeko asmoz”. Lehenengo zatian ondor aritu diren arren, “bigarrenean kostata” ibili direla azaldu du lasartearrak.