Roberto Olabek Reala utziko du denboraldi amaieran
Roberto Olabek Reala utziko du 2024-2025 denboraldiaren amaieran, azaroaren 13an The Athleticek aurreratu eta EITB Mediak baieztatu ahal izan duenez. Geroago, Realak ofizial egin du albistea.
Gainera, klubak jakinarazi du Erik Bretos izango dela futbol zuzendari datorren denboralditik aurrera. Gaur egun, Bretos da klubaren Futbol Profesionalaren eta Scouting Unitatearen arduraduna.
Klubaren futbol zuzendariak kontratua du Realarekin 2026ko ekainera arte, baina Jokin Aperribay presidenteari eta zuzendaritza batzordeari jakinarazi die kargua utziko duela denboraldi amaieran.
Olabek 2002an hartu zuen kirol zuzendari kargua eta 2005era arte egon zen bertan. Ondoren, 2006-2007 denboraldian, Almeriak fitxatu zuen, han ere kirol zuzendari izateko; Unai Emery entrenatzailearen aldeko apustua egin zuen, eta Andaluziako taldeak Lehen Mailara igotzea lortu zuen. Almerian denboraldi bat eman ostean, Futbol Liga Profesionalaren (LFP) zuzendaritza teknikoaz arduratu zen, eta 2008an Valladolidek fitxatu zuen. Pucelako klubaren kirol zuzendaritzaz arduratu zen; bi denboraldiren ondoren eta Valladolid Bigarren Mailara jaitsita, bi aldeek amaitutzat eman zuten elkarren arteko lotura.
2016ko maiatzean Roberto Olabe Realera itzuli zen, eta berriz kirol zuzendari kargua hartu zuen. Urtebete pasata, karguari uko egin zion "arrazoi pertsonalak" argudiatuta. Hurrengo urtean, Independiente del Vallera joan zen, kirol estrategiako buru gisa jarduteko.
Azkenik, 2018an Realera itzuli zen eta futboleko zuzendari kargua hartu zuen. Olabek 2026ko ekainera arte zeukan kontratua Realarekin, baina denbaraldi bat lehenago etengo Realean egindako hirugarren etapari.
Fitxaketa aipagarrienak
Roberto Olabe futbol zuzendari zela, Alexander Isak, Martin Odegaard, David Silva edo Mikel Merino izan dira Realaren fitxaketa garrantzitsu eta azpimarragarrienetakoak. Gazteen alde egindako apustua ere aipagarria da.
Lorpenak
Realean emandako azken etapan, gizonezkoen lehen taldeak ibilbide oparoa izan du. Besteak beste, Errege Kopa irabaztea lortu zuen, eta bost urtez jarraian lortu du Europako txapelketetarako sailkatzea, horietatik behin Txapeldunen Ligarako txartela lortuta eta beste lau urtez Europa Ligarako txartela eskuratuta.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.