Realak Barçari irabazi dio Beckerren golari esker (1-0)
Realak 1-0 irabazi dio Bartzelonari igande honetan Reale Arenan jokatu duen EA Sports Ligako 13. jardunaldiko partida. Beckerrek lehen zatian sartutako golak hiru puntuei amaierara arte heltzeko balio izan dio talde txuri-urdinari.
Txuri-urdinek sendo hasi dute norgehiagoka, izan ere, lehen minuturako, barneraldi on batek Sucicen jaurtiketa ekarri du. Casadok desbideratu du baloia, eta, ordutik aurrera, Kataluniako taldea buru izan eta Reala arean sartu du.
15 minutura, Barçak gola sartu du, Lewandowskik egina. Euskal defentsaren akats batek baloia area barruan utzi du, boteka, eta poloniarrak harrapatu du. Hala ere, VARak baliorik gabe utzi du gola, aurrelaria jokoz kanpo zegoelako.
Hala ere, partida hasi eta ordu erdira Reala berriro jo ta su aritu da eta abagune bikoitza izan du: lehenengo, Braisek falta eragin du, eta, gero, Kubok jokaldi bikaina egin du. Bi kasuetan, Peña funtsezkoa izan da jaurtiketak gelditzeko.
Gola aurkitu duena Becker izan da. Sucicek baloia orraztu du eta gaizki kokatuta harrapatu du aurkariaren defentsa, eta Beckerrek taldea aurreratzeko aprobetxatu du (1-0).
Lehen zatiaren azken minutuan Oyarzabalek huts egin du, aldea handituko lukeen abagune argi batean.
Bigarren zatian Barçak presio handia egin du, partidari buelta ematera behartuta, eta txuri-urdinei korrika egin behar izan dute. Horregatik, Elustondo, Barrenetxea, Oskarsson eta Gomezekin freskotasuna sartu du zelaian Imanolek. Aurkaria goian jo ta su egoteak Realak kontraerasoen bidez arriskua sortzea ekarri du, baina ez dute eraginkortasunik izan azken metroetan.
Azken minutuetan sufritu eign du Realak, Kataluniako taldea etengabe ibili baita erasoan, baina ahaleginak merezi izan du eta garaipena lortu dute.
Fitxa teknikoa:
1 - Reala: Remiro; Aramburu (Aritz, 61. min), Zubeldia, Aguerd, Aihen (Javi Lopez, 84. min); Zubimendi, Sucic (Sergio Gomez, 61. min), Brais Mendez; Kubo, Oyarzabal (Oskarsson, 61. min) eta Becker (Barrenetxea, 61. min).
0 - Barcelona: Iñaki Peña; Kounde (Gavi, 84. min), Cubarsi, Iñigo Martinez, Balde; Casado, De Jong (Dani Olmo, 46. min), Fermin Lopez (Ansu Fati, 69. min), Pedri (Pau Victor, 90+1. min); Raphinha eta Lewandowski.
Gola: 1-0, 33. min: Becker.
Epailea: Guillermo Cuadra Fernandez. Txartel horia atera die Aramburu, Brais Mendez, Zubeldia eta Iñigo Martinez jokalariei.
Zure interesekoa izan daiteke
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).