Realak ez die sarrerarik salduko Ajaxeko zaleei, eta Ajaxek UEFAra jo du
Realak erabaki du ez diela sarrerarik salduko Ajaxeko zaleei 2024-25 denboraldiko Europa Ligako liga fasearen bosgarren jardunaldiaren barnean euskal taldeak eta Herbehereetako taldeak Donostiako Reale Arenan jokatuko duten partidarako. Ajaxek, hori dela eta, UEFAra jo du, bitartekaritza eske.
Ohar batean nabarmendu duenez, Ajaxek "atsekabea" hartu du jakin duenean Realaren asmoa dela "sarrerarik ez ematea" Amsterdameko taldearen zaleek norgehiagoka Donostian ikusi ahal izan dezaten. Herbehereetako kluba, hala, UEFAren azken erabakiaren zain dabil; izan ere, Ajaxek UEFAri eskatu dio bitartekaritza lanak egitea.
"Azken asteetan, Ajaxek hainbat bilera izan ditu UEFArekin, Realarekin eta tokiko agintariekin, neurketa antolatzeko. Elkarrizketa horietan ondorioztatu da, besteak beste, Realak eta Donostiak bizipen txarrak izan dituztela, aurretik, beste klub batzuetako zaleekin. Badirudi orain Ajax besteen huts-egiteak ordaintzen ari dela".
Gipuzkoako klubaren erabakiaren helburua da ez izatea Donostian urriaren hasieran Anderlechteko ultrek eragindako bezalako istilurik. Orduan, neurketako lehen zatian, Anderlechteko ultrek harmailan zegoen segurtasun hesia apurtzea lortu zuten, eta objektuak bota zituzten, tartean jarlekuak, beheko harmailara; azken horretan, Realeko zaleak zeuden. Bost lagun atxilotu zituzten, eta UEFAk, zigor gisa, ebatzi zuen Anderlechtek ezin izango ziela zaleei sarrerarik saldu etxetik kanpo jokatu beharreko hiru partidatan.
Herbeheeretako zaleek beste batzuetan ere jaso izan dute debekua beste herrialde batzuetako futbol zelaietan sartzeko. Duela bi aste, PSV Eindhoveneko zaleak ezin izan ziren sartu Paris Saint-Germain-PSV Eindhoven partidara, Parisen; aurreko denboraldian, Erroma-Feyenoord neurketan, Rotterdameko taldeko zaleek ezin izan zuten norgehiagoka estadioan ikusi.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.