Penaltiek eta zutoinek Reala zigortu dute Real Madrilen aurka (0-2)
Kontrako bi penaltik eta zutoinek eta langak Real Madrilen aurka 0-2 galtzea ekarri diote Realari Reale Arenan jokatu den EA Sports Ligako bosgarren jardunaldiko partidan. Zutoinek eta langak Sergio Gomezen, Beckerren eta Sucicen golak eragotzi dituzte, eta, gainera, epaileak bi penalti adierazi ditu zurien alde.
Sergio Gomezek zutoina bilatu du falta jaurtiketa batean partida hasi eta berehala, baina ez du Courtois ezustean harrapatu. Sadiqek jokaldi arriskutsu pare bat ere egin ditu, baina saririk gabe. Madrilgo taldeak erantzun egin du, eta Remirok Mbapperen jaurtiketa gelditu du.
Bisitariek erasora jo dute eta Reala bere arean itxi dute, baina txuri-urdinek ondo defendatu dute atea, eta ez diete benetako arriskurik sortzen utzi. Kontraerasoan, Kubok baloia lapurtu ondoren, Sucicek jaurtiketa egin du eta langa jo du.
Remirok korner batean agertu behar izan du berriro, Rudigerren burukada sarean buka ez zedin. Pixkanaka, etxekoek indarra hartu dute, zelaian zabaldu dira eta bisitariei min egiten saiatu dira. Beckerrek markagailua irekitzeko aukerarik onenetakoa izan du atezainaren aurrera heldu denean, baina horren jaurtiketak langa jo du. Gomezek ere gola egiteko aukera izan du berriro, baina zurien defentsak oztopatu dio jaurtiketa.
Bigarren zatiko lehen minutuan, Sadiqek Sucici gola sartzeko pasea eman dio, baina, beste behin ere, zutoina Realaren eta golaren artean jarri da.
Partida berdinduago zegoenean, epaileak penalti adierazi du Real Madrilen alde, Sergio Gomezek baloia eskuarekin ukitu ostean. Viniciusek gola sartu eta aurretik jarri du bere taldea (0-1).
Etxekoek ez zuten partida borrokatzeko gakoa aurkitzen, eta unerik txarrenean, epaileak, VARa berrikusi ondoren, beste penalti bat adierazi du Real Madrilen alde, Aramburuk Vinicius zapaldu duelako. Mbappe izan da hamaika metroko puntutik jaurtiketa egiteko arduraduna, eta gola egin du (0-2).
Realari mundua gainera etorri zaio, eta ezer gutxi egin ahal izan du partida amaitzeko geratzen zen denboran. Ondorioz, galdu egin du etxean.
Fitxa teknikoa:
0 - Reala: Remiro; Aramburu, Zubeldia, Aguerd (Pacheco, 75. min), Javi Lopez (Aihen, 78. min); Zubimendi, Sucic (Turrientes, 75. min), Sergio Gomez; Kubo, Sadiq (Oskarsson, 63. min) eta Becker (Barrenetxea, 63. min).
2 - Real Madril: Courtois; Carvajal, Rüdiger, Militao, Mendy; Modric, Valverde, Guler (Vazquez, 77. min); Brahim (Rodrygo, 24. min), Mbappe (Endrick, 90. min) eta Vinicius.
Golak: 0-1, 58. min: Vinicius (p.). 0-2, 75. min: Mbappe (p.).
Epailea: Juan Martinez Munuera. Txartel horia atera die Sadiq, Aramburu, Zubimendi, Pacheco, Barrenetxea eta Modric jokalariei.
Zure interesekoa izan daiteke
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).