Realak 2-0 galdu du Bartzelonaren kontra eta Europa Leagueko postuetatik at jarraitzen du
Realak 2-0 galdu zuen astelehenean Bartzelonaren aurka, LaLiga EA Sportseko 35. jardunaldiko azken neurketan. Hori dela eta, talde donostiarrak Europa League txapelketarako sailkapen postuetatik kanpo jarraitzen du; Xavi Hernandezek taldeak, berriz, bigarren postua berreskuratu du.
Atsedenaldia baino lehen Lamine Yamalek sartutako golari esker hartu zuen aurrea Bartzelonak, eta neurketaren amaieran berretsi zuen garaipena, Raphinak penaltiz egindako golarekin. Horrenbestez, 76 puntu lortuta, Girona baino bat gehiago, bigarren postua errekuperatu du. Jokalari txuri-urdinek oso indartsu ekin zioten norgehiagokari, baina emaitza horrekin, oraingoz zazpigarren dago, 54 punturekin.
Montjuïceko partidan, defentsa gorri-urdina ezustean harrapatzeko lanean aritu zen Reala hasieratik, Sheraldo Beckerren abiadura aprobetxatzeko asmoz. Izan ere, Becker izan zen Imanol Alguacilen taldeko gizonik azkarrena lehen 45 minutuetan.
Realeko aurrelariak bigarren minutuan izan zuen lehen aukera, Bartzelonaren atearen goiko aldetik kanpora joan zen jaurtiketa batekin. Handik ordu laurdenera, epaileak jokaldi on bat baliogabetu zion, Ter Stegen atezainaren aurrean bakarrik egonik, jokoz kanpo egoteagatik.
Ondoren, 19. minutuan, Becker gola sartzeko zorian izan zen, jaurtiketa gurutzatu batekin. Horrez gain, 22. minutuan sartutako gol bikaina baliorik gabe utzi zion epaileak, aurreratuta baitzegoen.
Xavi Hernandezek hamaikakoak zenbait aukera izan zituen, baina arriskurik gabe. Lehen zatia bukatzeko 5 minutu geratzen zirenean, Lewandoskik hasitako kontraerasoan, Gündogani pasea egin eta Lamine Yamalek bigarren zutoinera egindako jaurtiketa zehatzaren ostean etorri zen Bartzelonaren lehen gola (1-0). Becker saiatu zen beste behin ere minutu batzuk geroago, baina gehiegi gurutzatu zuen baloia.
81. minutuan, Arsen Zakharyan errusiarrak botatako falta segurtasunez geratu zuen Ter Stegenek. Lamine Yamal, bestetik, bigarren gola egiten ahalegindu zen arren, defentsa donostiarrak ondo eutsi zion. Arauzko denboraz kanpo, Odriozolak baloia eskuz ukitzeagatik eragindako penaltia sartu zuen, neurketa etxekoen aldeko emaitzarekin amaitzeko.
FITXA TEKNIKOA
-Taldeak:
2-Bartzelona: Ter Stegen; Kounde, Iñigo Martinez, Cubarsi, Cancelo; Gündogan (Oriol Romeu, 95. min), Christensen (Sergi Roberto, 70. min), Pedri (Fermin, 70. min); Raphinha, Lewandowski (Ferran Torres, 76. min) eta Lamine Yamal.
0-Reala: Remiro; Traore (Odriozola, 79. min), Aritz, Le Normand, Pacheco (Tierney, 70. min); Aramburu (Barrenetxea, 70. min), Brais Mendez (Zakharyan, 79. min), Turrientes, Mikel Merino; Becker (Kubo, 70. min) eta Oyarzabal.
-Golak:
1-0, 40. min: Lamine Yamal.
2-0, 93. min: Raphinha, de penalti.
-Epailea: Cuadra Fernandez (C.Balear). Gündogani txartel horia atera zion (51. min) eta Raphinhari (94. min) Bartzelonan eta Arambururi (57. min), Pachecori (64. min) eta Oyarzabali (92. min) Realean.
-Zelaia: Lluis Companys. 35.929 ikusle.
Zure interesekoa izan daiteke
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.