Realak Alaves mendean hartu du Mendizorrotzan (0-1)
Realak 0-1 irabazi dio Alavesi, arratsalde honetan, Mendizorrotzan, eta hiru puntu garrantzitsu eskuratu ditu, datorren denboraldian Europan jokatu ahal izateko.
Imanol Alguacilen taldea hasieratik eta amaiera arte izan da nagusi norgehiagokan, eta babazorroek ez dute ahalmenik izan euren mailarik onena emateko. Horrenbestez, oraingoz ez daukate ziurtatuta datorren denboraldia Lehenengo Mailan jarraituko dutela.
Donostiarrek kontrolpean izan dute partida, eta hainbat aukera sortu dituzte, baina atea aurrean ez dute asmatu. Ander Barrenetxeak eta Mikel Oyarzabalek izan dituzte abagunerik onenak.
29. minutuan, adibidez, epaileak baliorik gabe utzi du Oyarzabalek sartutako gola, jokoz kanpo zegoelako.
Testuinguru horretan, Alavesek kontraerasora jokatzen saiatu da, eta, halako batean, Luis Riojak egindako jaurtiketa batek zutoina jo du.
Lehen zatia amaitzear zegoela, Take Kubok zelaitik alde egin behar izan du, min hartuta.
Bigarren zatian partida ez da aldatu, eta gipuzkoarrek nagusi izaten segitu dute. Realaren gola Jon Pachecok egin du, buruz, korner baten ostean.
Une horretatik aurrera, arabarrak gora joaten ahalegindu dira, baina Realak baloia kontrolpean izan du, eta ez dio norgehiagoka berdintzeko aukerarik eman.
Gauzak horrela, Reala seigarren postuan dago sailkapenean, eta Alavesek jaitsiera postuetatik zazpi puntura jarraituko du.
FITXA TEKNIKOA
0 - Alaves: Sivera; Gorosabel, Rafa Marin, Abqar, Javi Lopez; Guevara (Benavidez, 66. min), Blanco, Guridi (Panichelli, 66. min); Vicente (Giuliano, 75. min), Rioja (Abde, 75. min) eta Samu (Kike Garcia, 75. min).
1 - Reala: Remiro; Traore, Zubeldia, Pacheco, Galan; Zubimendi, Merino, Zakharian (Turrientes, 83. min); Kubo (Becker, 44. min), Oyarzabal (Silva, 69. min) eta Barrenetxea (Tierney, 69. min).
Epailea: Hernandez Maeso. Txartel hori bana atera die Guevarari, Abgarri, Merinori eta Pachecori.
Gola: 0-1: 59. min, Pacheco.
Gertakariak: EA Sports Ligako 30. Jardunaldia. 18.572 ikusle izan dira Mendizorrotzan. Alavesek 600. partida jokatu du Lehenengo Mailan eta, norgehiagokaren atarian, 1930ean debuta egin zuen taldea omendu dute.
Zure interesekoa izan daiteke
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.