Realak galdu egin du Valentziaren aurka (1-0)
Realak 1-0 galdu du Valentziaren aurka. Zubeldiak bere atean egin du partidako gol bakarra 40. minutuan eta txuri-urdinak ez dira emaitza iraultzeko gai izan.
Partida hasi eta lehen aukerak Realaren aldekoak izan dira. Lehena 9. minutuan izan du Ricok, urrunetik egindako jaurtiketa batekin. Valentziako atezainak jaurtiketa gelditu eta bigarren saiakeran bereganatu du baloia.
Oyarzabalek ere estutu du valentziarren atea. Sorloth area barruan zain zegoela, Eibarreko jokalariak erdiraketa bat egin du hegaletik, baloiak Foulquier jo eta aterantz joan da baloia. Mamardashvilik, larri, baloia kornerrera bidali du.
Reala ez da eroso ibili Mestallako berdegunean. Valentziaren areara heldu bada ere, ez du gol aukera argirik sortzea lortu eta ez da jokoan nagusitu. Hala heldu da Valentziaren gola.
Kontraerasoan, Samu Linok atzera pasea egin eta Zubeldiak, bizkarrean erasoko bi jokalari zituela, baloia bere atean sartu du errematea ekiditzen saiatu denean. Etxeko taldeak lehen zatia amaitzeko 5 minutu falta zirela lortu du gola.
Bigarren zatia hasi denean, Realak berehala eman du lehen abisua (46. minutuan): korner batean Le Normandek baloia eskuratu eta Mamardashviliren atera jaurti du. Atezainak, baina, azkar erantzun du eta baloia berriro kornerrera bidali du.
Realak berdinketaren gola nahi zuen eta Rico berriro ahalegindu da urrunetik egindako jaurtiketa batekin. Oraingoan, baina, Foulquier gurutzatu zaio eta baloiak ez du aterako bidea aurkitu.
Valentziak ordea azkar erantzun nahi izan du eta 47. minutuan epaileak etxeko taldearen aldeko penaltia adierazi du. Hala ere, VARretik deitu dutenean, bere erabakia aldatu du eta ezerezean utzi du jokaldia.
Ez Realak ezta Valentziak ere ez dute amore eman eta etxekoak berriro ahalegindu dira bigarren gola lortzen. Jesus Vazquezek egindako jaurtiketa batek nabarmen larritu du Remiro eta nafarrak sekulako geldiketa egin du baloia kornerrera bidaliz. Valentziak kornerra motzean jokatu du area ertzera eta Samu Linok egindako jaurtiketak zutoinean jo du.
Azkenean, Realak ezin izan dio golik egin Valentziari eta Imanol Alguacilen taldeak ez du punturik bildu Mestallan.
Fitxa teknikoa:
1 – Valentzia: Mamardashvili; Foulquier, Paulista (Cömert, 46. min), Diakhaby, Lato (Vazquez, 78. min); Guillamon, Yunus (Ilaix, 78. min), Almeida (Cenk, 90. min) Lino; Castillejo (Thierry, 63. min) eta Hugo Duro.
0- Reala: Remiro; Barrene (Sola, 46. min), Zubeldia, Le Normand, Rico (Aihen, 63. min); Brais Mendez (Illarra, 73. min), Zubimendi, Take Kubo (Carlos Fdez, 74. min), Merino; Soloth eta Oyarzabal.
Gola: 1-0, 40. min: Zubeldia (bere atean).
Epailea: Hernandez Hernandez. Txartel horiak: Foulquier, Yunus, Castillejo, Lato eta Mamardashvili (etxekoak) eta Zubimendi eta Rico (bisitariak).
Zure interesekoa izan daiteke
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.