Realak bolada ona luzatu du Celtari irabazita (1-2)
Partida gogor bati egin behar izan diote aurre txuri-urdinek Balaidosen. Hala ere, dinamika onari jarraipena eman eta Illarramendiren eta Zubeldiaren gol banarekin hiru puntuak lortu dituzte donostiarrek.
Lehen zatia luze joan da. Lehen minutuan Hugo Mallok eta Aihen Muñozek hartutako kolpe baten ondorioz, hotz ekin dio norgehiagokak. Aukera gutxi izan dituzte bi taldeek.
Realaren golarekin hasi da jokoa erritmoa hartzen, Illarramendik, 30. minutuan area ertzetik ezkerrez egindako jaurtiketarekin gol bikaina egin du mutrikuarrak. Handik lau minutura, Sorlothek bigarrena egiteko aukera izan du baina atearen albo batera egin du jaurtiketa.
39. minutuan, berriz, Aspasek egin du berdinketaren gola. Zubimendik egindako akatsa baliatuz, galiziarrak baloia lapurtu eta bakarrik geratu da Remiroren aurrean. Ez du hutsik egin. Atsedenaldira berdinketarekin heldu dira.
Aldageletatik bueltan Realak izan du lehen aukera garbia, are gehiago, jokaldi horrek zabaldu dio atea Zubeldiaren golari. 53. minutuan Sorlothek hondoko marratik pasea egin dio Zubimendiri. Honek, area ertzetik Silvari pasatu eta kanariarrak Merinori. Nafarrak jaurtiketa gogorra egin du baina atezainak desbideratu, eta Javi Galanek kornerrera bidali du. Orduan heldu da Zubeldiaren gola. Braisek erdiratu eta azkoitiarrak bakar-bakarrik egin du errematea.
Partida berriro joan da zelai-erdira eta ez etxekoek ez eta kanpokoek ere, ez dute aukera garbirik sortu. Celtak baina, Carles Perez zelairatu du eta partidari bizitasuna eman dio Romak utzitako jokalariak. Bera izan da galiziarren jokalari arriskutsuena.
76. minutuan Perezek egindako jaurtiketa batek Remiro luzatzera behartu du. Cascantekoak ongi atera du baloia.
Hamar minuturen faltan, Realak beste aukera bat izan du. Urrunetik alboko marrari pegatutako falta bat errematatu dute baina kanpora joan da. Minutu batzuk beranduago, Sorlothek zelai-erdian baloia hartu eta bakarrik abiatu da aterantz, defentsa atzean utzi eta jaurtiketa gogorra egin du atera. Marchesinek ekidin du Realaren hirugarrena.
Azken minutuan, berriro Carles Perezek, bi aukera izan ditu, hala ere, ezerezean utzi ditu Realaren defentsak, garaipena zihurtatuz.
Hala, Imanolen taldeak bolada bikainari heldu dio eta zazpigarren garaipena lortu du jarraian. Horietako 4 ligakoak izan direlarik.
Fitxa teknikoa:
1 - RC Celta: Marchesín; Hugo Mallo (Mingueza, 64. minutuan), Aidoo, Unai Núñez, Javi Galán; Beltrán; Óscar Rodríguez, Gabri Veiga (Carles Pérez, 64. minutuan), Cervi (Paciencia, 79. minutuan); Aspas eta Larsen.
2 - Reala: Remiro; Gorosabel (Aritz, 68. minutua), Le Normand, Zubeldia, Aihen (Diego Rico, 27. minutuan); Zubimendi, Illarra (Mikel Merino, 46. minutuan), Brais Mendez, David Silva (Navarro, 74. minutuan); Kubo eta Sorloth.
Golak: 0-1, 30. minutuan: Illarra. 1-1, 38. minutuan: Iago Aspas. 1-2, 54. minutuan: Zubeldia.
Epailea: Cuadra Fernández. Paciencia kanporatu du (90. minutuan) txartel gorriarekin. Txartel horiak: Larsen (45. minutuan), Hugo Mallo (48. minutuan), Carles Perez (77. minutuan), Mingueza (80. minutuan) eta Unai (90. minutuan); Illarra (23. minutuan), Le Normand (44. minutuan), Zubimendi (45. minutuan), David Silva (67. minutuan), Zubeldia (68. minutuan), Barrene (88. minutuan) eta Navarro (90. minutuan).
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.