Reala Gironako eromenean nagusitu da (3-5)
Realak hiru puntuak lortu ditu Montilivin Girona 3-5 mendean hartu ostean. Partida ero batean, Imanolen taldea birritan izan da atzetik markagailuan. Sorloth bi golekin, Brais, Zubimendi eta Kubo izan dira golegileak Realarentzat.
Norgehiagokaren lehenengo minutuak nahiko parekatuak izan dira, baina 8. minutuan Realak jokaldi bikaina josi eta aurreneko aukeran Gironaren atea zulatzea lortu du. Silvak Kubo aurkitu du sakonean eta japoniarraren erdiraketa Sorlothek eskuin hankarekin sareetara bidali du markagailua irekitzeko (0-1).
Realaren presioak ez zion Gironari jokoa atzetik eraikitzen uzten eta etxeko taldea deseroso egon da Riqelmeren jenialtasuna iritsi arte. 23. minutuan Atletico Madrilek utzitako jokalariak Zubimendi saihestu eta area kanpotik jaurtitako eskuinkada apartarekin Remiro gainditu du gola sartzeko (1-1).
Lehenengo kolpetik altxatzeko denbora izan barik, Gironaren bigarrena heldu da 27. minutuan. Jokaldi nahasi batean, Realak ezin izan du baloia bere areatik kanporatu eta Arnauk buruz etxeko taldea aurretik jarri du markagailuan (2-1).
Golaren ondorioz talde gipuzkoarra baloiaren jabetzarekin egin da berriz, baina ez du abagunerik sortu 42.minutura arte. Zubimendik pase loratu bikaina eman dio norvegiarrari eta Sorlothek erremate indartsuarekin partida berdindu du (2-2). Jabe finkorik gabeko partida bina heldu da atsedenaldira bi taldeek izan duten eraginkortasun handiaren ostean.
Lehen zatiko erritmo bizia ez da aldageletatik bueltan eten. Taty Castellanosek gidatu eta bukatutako kontraeraso batean Girona berriz aurreratu da (3-2). Etxeko taldeko aurrelariak Realak utzitako espazioa probestu du Remiro gainditu eta 3 eta 2koa ezartzeko. Partida maldan gora jarri zaio Realari beste behin.
Albiste txarrak kateatzen joan dira eta Gorosabelek aldaketa eskatu du orkatilan min hartu ostean. Alex Solak ordezkatu du. Realak ez du amore eman eta 6 minututan egoera irauli du.
65. minutuan Brais Mendezek eskuin hegaletik jaurtitako falta baten ostean iritsi da berdinketa. Aurrelariak ezin izan dira errematera iritsi, baina baloia ixten joan da eta Juan Carlos atezainaren atea zulatu du Braisen erdiraketak (3-3).
Reala ez da konformatu eta garaipenaren bila joan da. 71. minutuan Silvak erdiraketa egin du esker hegaletik eta Merinoren erremate ustelak Zubimendiri gola sartzeko aukera eman dio. Erdilariak defentsei aurre hartu eta Reala aurreratu du markagailuan (3-4).
Gironak kolpea nabaritu du eta Realak ez du azken minutuetan estutasunik pairatu. Sorlothek zutoinera bidali du area barnetik egindako errematea. Abisua besterik ez da izan; Kubok 84. minutuan partidako azken gola sartu du jaurtiketa gurutzatu batekin.
Hiru puntuei esker, Realak bi garaipen kateatu ditu lehen aldiz aurtengo denboraldian eta 13 punturekin dago sailkapenean.
Fitxa teknikoa:
3 - Girona FC: Juan Carlos; Arnau (Yan Couto, 79. min), Santi Bueno, Bernardo, Juanpe (Valery, 76. min), Gutiérrez; Romeu, Aleix Garcia (Ureña, 79. min); Riquelme; Manu Vallejo (Herrera, 54. min) y Castellanos.
5 - Reala: Álex Remiro; Gorosabel (Álex Sola, 55. min), Aritz (Guevara, 83. min), Pacheco, Aihen; Zubimendi; Brais Méndez, Merino; Silva (Turrientes, 83. min); Take (Navarro, 88. min) y Sorloth (Carlos Fernández, 88. min).
Golak: 0-1, 8. min: Sorloth. 1-1, 23. min: Riquelme. 2-1, 27. min: Arnau. 2-2, 42. min: Sorloth. 3-2, 48. min: Castellanos. 3-3, 66. min: Brais Méndez. 3-4, 71. min: Zubimendi. 3-5, 85. min: Take.
Epailea: Melero López (andaluziar komitea). Txartel horiak: (57. min), Miguel (65. min), Castellanos (90+7. min) eta Merino (87. min).
Zure interesekoa izan daiteke
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).