Realak 3 puntuak lortu ditu etxean, Espanyol 2 eta 1 garaituta
Realak 2 eta 1 hartu du mendean Espanyol. Kataluniakoek ez dizkiete gauzak erraz jarri txuri-urdinei eta partidaren azken minutuetan berdinketa gertu egon da. Brais Mendezek eta Sorlothek egin dituzte etxekoen golak. Espanyolena, berriz, Edu Expositok.
Partida hasiera berdindua izan da gaur Reale Arenan. Lehen zatiaren hasieran bi taldeetako inor ez da gailendu. Hala ere, lehen aukera argian (17. minutuan), Realak markagailuan aurreratzea lortu du. Takek Espanyoleko atezaina presionatu, baloia lapurtu eta Sorlothek baloia ate barrura bultza baino ez du egin behar izan.
Pozak ez du gehiegi iraun txuri-urdinen etxean. Bi minutura, korner batean berdinketa lortu du Espanyolek. Landutako jokaldi bati amaiera bikaina eman diote. Sakea motzean egin eta area ertzean errematatu du Edu Expositok.
Reala, ordea, suspertu eta partidaren aginte makila hartzen hasi da. 23. minutuan Sorlothen burukada batek Alvaro Fernandez estuasunetan jarri du baina ez dute saririk jaso Imanolen mutilek.
5 minutu beranduago, 28. minutuan, Merinoren jokaldi bikain baten ondoren, Braisek egin du Realaren bigarrena. Atsedenaldira arte mantendu da bi eta batekoa markagailuan. Realak zelaian agintzen jarraitu duen arren, ez du aukera garbirik egin azken ordu laurdenean.
Aldageletatik bueltan, taldeak ez dira bereziki oldarkorrak izan eta ez dute aukera argirik sortu. Atera egindako lehen jaurtiketa 58. minutuan izan da, Sorlothen eskutik, baina ez dio lanik eman Alvaro Fernandezi.
Aukera argiena 75. mintuan izan da. Realeko hainbat jokalarik baloia elkarri pasa diote area ertzean eta azkenean Silvaren jaurtiketa gogorra zutoinaren albotik kanpora joan da.
Partidako azken minutuak hurbildu ahala, Espanyolek estutu egin du berdinketaren bila. Realak estuasun batzuk izan ditu garaipena mantentzeko. 83. minutuan Espanyolek falta bat errematatu duenean kasu, edo eta luzapenean Remirok atepean atera duen erremate bat ere.
Hala eta guztiz ere, partidako azken aukera Momo Chok izan du, 93. minutuan egin duen urruneko jaurtiketa indartsu bat kanpora joan zaionean.
Azkenean, Imanolen mutilek 3 puntuak lortu dituzte eta kamiseta zuria soinean utzi dute zelaia. Asteartean, Realaren emakumezkoen taldeak Reale Arenan jokatuko duen Champions Leagueko partidarako babesa emanez. Partida zuzenean emango da ETB1en eta eitb.eus-en.
Fitxa Teknikoa:
2 - Real Sociedad: Remiro; Gorosabel, Aritz, Pacheco, Aihen, Zubimendi, Brais (Zubeldia, 88. minutuan), Merino, Silva (Cho, 81. minutuan), Sorloth y Kubo (Turrientes, 79. minutuan).
1 - Espanyol: Álvaro Fernández; Omar (Puado, 53. minutuan), Sergi Gómez, Cabrera, Oliván; Calero (Dani Gömez, 74. minutuan), Darder, Edu Expósito (Aleix Vidal, 74. minutuan), Vini (Lozano, 85. minutuan); Braithwaite y Joselu.
Golak: 0-1, 16. minutuan: Sorloth. 1-1, 18. minutuan: Edu Expósito. 2-1, 28. minutuan: Brais Méndez.
Epailea: Del Cerro Grande. Brais, Aritz eta Sorloth ohartarazi ditu.
Zure interesekoa izan daiteke
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).