Realak final-zortzirenetako txartela izango du jokoan Leipzigen aurka, Reale Arenan
Realak Europa Ligako final-zortzirenetarako txartela izango du jokoan ostegun honetan Leipzigen aurka Reale Arenan (18:45) jokatuko duen final-hamaseirenetako itzuliko partidan. Joaneko norgehiagoka 2-2 berdinduta amaitu zen. Berdinketa kasuan etxetik kanpo sartutako golek ez dute balio bikoitzik jada; beraz, Anoetako neurketa irabazten duen taldeak egingo du aurrera txapelketan.
Mikel Merino ez da sartu talde txuri-urdinaren deialdian. Jokalari nafarrak garuneko kommozioa egin zuen Athleticen aurkako derbian, eta taldekideekin batera entrenatu den arren, ez dago prest Leipzigen aurka aritzeko. Bestalde, Adnan Januzaj eta Alexander Isak deialdian sartu dira, baina ikusi egin beharko da hasierako hamaikakoan egon ahalko diren. Epe luzerako min hartuta dauden Nacho Monreal eta Carlos Fernandez ere ez daude jokatzeko moduan.
Hauxe izan liteke Imanol Alguacil entrenatzaileak aterako duen hamaikakoa: Remiro, atean; Zaldua, Elustondo, Le Normand eta Aihen Muñoz, defentsan; Zubimendik, Guevarak eta Rafinhak osatuko dute zelai erdia; eta Oyarzabal, Januzaj eta Sorloth egongo dira aurrealdean. Baliteke Isak hasierako hamaikakoan sartzea, Sorlothen edo Januzajen ordez.
Anoetako lehiara sasoi onean iritsiko da Leipzig, asteburuan 1-6 menderatu baitzuen Hertha Berlin Bundesligan. Txapeldunen Ligarako sailkapena ematen duten postuetan dago Alemaniako ligan. Domenico Tedescok zuzentzen duen taldeak jokalari garrantzitsu guztiak prest izango ditu Realaren kontrako norgehiagokarako.
Ustezko hamaikakoak:
Reala: Remiro; Zaldua, Elustondo, Le Normand, Muñoz; Zubimendi, Guevara, Rafinha; Oyarzabal, Januzaj eta Sorloth edo Isak.
RB Leipzig: Gulacsi; Simakan, Orban, Gvardiol; Mukiele, Haidara, Forsberg, Angeliño; Dani Olmo; Nkunku eta Andre Silva.
Epailea: Anthony Taylor (Erresuma Batua).
Estadioa: Reale Arena.
Ordua: 18:45.
Zure interesekoa izan daiteke
Jon Ansotegi: "Kosta egin zaigu baina pozik nago, garaipena heldu delako"
Eldense mendean hartuta, Errege Kopan aurrera egitea lortu du Realak. Jon Ansotegik partidaren analisia egin du prentsaurrekoan.
Realak sufritu egin du Eldan, baina Pablo Marinek azken hasperenean sartutako golari esker sailkatu da (1-2)
Sucicek aurretik jarri du talde txuri-urdina bigarren zatian, baina jarraian berdindu egin du Eldensek. Partida luzapenera bideratuta zegoela zirudienean, partidako jokaldirik onenean, Ansotegiren taldeak saria lortu du.
Sergio Franciscok agur esan dio Realari gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere baldintzarik gabeko babesa" emateagatik. Gainera, futbol profesionalean "erronka berriei" aurre egiteko prest agertu da.
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldeko entrenatzaile gisa duen erronkarekin. Lehen erronka bihar, asteartez, Eldenseren kontrako Errege Kopako partida irabaztea dela esan du.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.