Isak eta Januzaj taldekideekin aritu eta Leipzigen aurkako deialdian sartu dira
Alexander Isak eta Adnan Januzaj Realeko erasoko jokalariak gainerako taldekideekin batera aritu dira asteazken honetan, eta bihar Leipzigen aurkako partidan parte hartzeko aukera izango dute, Imanol Alguacil entrenatzaileak deialdian sartu baititu.
Dena den, oraindik ezin da ziurtzat jo zelai gainean egongo direnik, Isakek giharretako mina izan baitu tarteka azken bi asteetan eta Januzaj zuntz-haustura txiki batetik atera berri baita.
Mikel Merino, bere kabuz
Mikel Merino erdilariak, berriz, bere kabuz jardun du lanean, beste zelai batean. Jokalari nafarrak garuneko kommozioa egin zuen Athleticen aurkako derbian, eta, ondorioz, azterketa egin behar izan zioten ospitalean. Proba horiek lesiorik ez duela erakutsi bazuten arren, Imanolek nahiago izan du arriskurik ez hartu, eta hurrengo neurketei itxarotea Merino berriro zelairatzeko.
Europa Ligako final-zortzirenetara pasatzeko partidaren aurreko saioan, Nacho Monreal hegaleko jokalariak ere parte hartu du, baina ez da partida horretarako prest egongo. Denboraldi hasieran belaunean ebakuntza egin zioten, eta lesio luze batetik irten berri da; hartara, denboraldiko azken txanpan laguntzeko moduan egon daiteke.
Zaleen babesa
Realeko jokalariak ez dira bakarrik egon entrenamenduan, bertan izan baitira hainbat jarraitzaile txuri-urdin ere, euren pankartekin, kantuekin eta bengalekin Leipzigen aurkako lehiarako animoa ematen.
Zure interesekoa izan daiteke
Erik Bretos: “Asmoa da Remiro hemen egotea datorren denboraldian”
Realeko futbol zuzendariak lehen taldearen inguruko gaurkotasuna errepasatu du, baita udako merkatuari begira dituen asmoen berri eman ere. Remirok Realean jarraituko duela esan du "bi atezain handi izan nahi ditudalako", Rino Matarazzorekin kontratua luzatzeko hitz egiten ari direla baieztatu du, eta, besteak beste, Brais Mendez, Gorka Carrera eta Arsen Zakharyan jokalarien egoera aztertu du.
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Realearen zaleek argazkia egin ahalko dute Errege Koparekin, ekainaren 19tik, 3 edo 6 euro ordainduta
Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan.
Realak 2026-27 denboraldiaren amaierara arte luzatu du Unax Agoteren kontratua
Ezker hegaleko zizurkildarrak 1.700 minutu baino gehiago jokatu ditu Hypermotion Ligan eta Premier League International Cup txapelketan. Atzelaria 2015ean iritsi zen talde txuri-urdinera.
Sportingek Egoitz Arana fitxatu du
Aranak 11 partida jokatu ditu Bigarren Mailan amaitu berri den denboraldian Realaren bigarren taldearekin, eta aurreko denboraldian Lehen RFEF mailatik Hypermotion Ligara igotzen lagundu zion.
Realak Laura Camino fitxatu du
24 urteko jokalari kantabriarrak Eibarren jokatu du azken hiru denboraldietan.
Nahia Aparicio: “Gure jokatzeko modua erakutsi dugu denboraldi honetan”
Realaren hainbat jokalarik denboraldiaren balantzea egin dute gaur goizean Zubietan, datorren denboraldirako helburuez hitz egiteaz gain.
Realak Atletico mendean hartuta eman dio amaiera denboraldi bikainari (2-0)
Lucia Pardoren eta Cecilia Marcosen golek erabaki dute txapelketako azken jardunaldiko lehia. Emaitza horrekin, talde donostiarrak hiru puntu eskuratu ditu denboraldia bere zaleen aurrean oso sentsazio onekin agurtzeko.
Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.