Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Realaren zaleek babes handia emango diote taldeari finalean, apirilaren 18an. Argazkia: Europa Press.
Realak 25.680 sarrera izango ditu 2025-2026 denboraldiko Errege Kopako finalean; partida handi hori apirilaren 18an jokatuko dute talde txuri-urdinak eta Atletico Madrilek, Cartuja futbol zelaian, Sevillan. Horietako % 85 Realaren bazkideek jasoko dituzte, eta euskal taldearen zaleek, Sevillan, “fanzone” izeneko bat izango dute, Carlos III.a etorbidean, Cartujako geralekuaren ondoan.
Asteartean, bilera egin dute Jokin Aperribay Realaren presidenteak, Miguel Angel Gil Atletico Madrilen presidenteak eta Rafael Louzan Espainiako Federazioaren presidenteak. Batzar horretan adostu dutenez, Realaren zaleak, Cartujan, “Gol Sur” izeneko eremuan izango dira. Zelaiaren edukierari erreparatuta, club finalista bakoitzak horren % 40 izango du; 2025ean, baina, Bartzelonak eta Real Madrilek sarrera kopuru apur bat handiagoa jaso zuten, talde bakoitzak 26.031 izan baitzituen.
Realaren bazkideek klubak jasotako sarreren % 85 izango dituzte. Astelehenean zabaldu zuen Realak epea bazkideek izena emateko, ostiraleko 20:00etara arte; astelehen gauean, klub txuri-urdinak zehaztu zuen 10.331 bazkidek zutela izena emanda lehenengo orduetan.
Arestian esan bezala, Sevillara joango diren realzaleek “fanzone” bat izango dute, Carlos III.a etorbidean, Cartujako geralekuaren aldamenean.
Reala talde bisitaria izango da finalean, Atletico Madril Reala baino lehenago sortu baitzuten. Bi taldeek beste final bat jokatu zuten 1987an, Zaragozan, Romaredan, eta Realak lortu zuen garaipena orduan, penalti jaurtiketetan.
Sevillara joango ez diren zaleentzat, Donostian pantaila erraldoia izango da, bai eta “hainbat sorpresa” ere; hala aurreratu du Jon Insausti alkateak: “Oraingoan, bai; oraingoan, ospatzea dagokigu, eta festaz gozatzea, 2021ean ezin izan baikenuen egin. Uste dut aurten dena ematea dagokigula”, nabarmendu du Insaustik.
Zure interesekoa izan daiteke
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.
Matarazzo: "Sendo amaitu nahi dugu denboraldia"
Pelegrinno Matarazzok adierazi du "oso garrantzitsua" dela denboraldia "ahalik eta hobeto" bukatzea, "hurrengoa ondo hasteko". Horrela, bada, Reala larunbat honetan Rayo garaitzen saiatuko dela ziurtatu du.
Azpeitiak omenaldia egin die Unai Marrerori eta Oier Agirrezabalagari
Azpeitiarrek omenaldia egin diete Unai Marrerori eta Oier Agirrezabalagari, Realeko atezainari eta prestatzaile fisikoari. Herriak bere esker ona agertu die biei eta “herria horrela ikustea oso hunkigarria” izan dela adierazi du atezainak.
Realak Anoetan ospatu du Errege Kopako titulua, Ligan Getaferen aurka jokatu aurretik
EA Sports Ligako 33. jardunaldian, asteazkenean, Realak Getaferen aurka jokatu du, Anoetan; Getafeko futbolariek ohorezko pasilloa egin diete euskal taldeko jokalariei, eta txuri-urdinek zale guztiei eskaini diete Atletico Madrilen aurkako finalean irabazitako Errege Kopa.
Iglesiasek Oyarzabalen aurka egin du partida amaieran: “Ahoa eskuarekin estali du nire emaztearen kontrako hitzak esateko"
"Kapitainak, gero eredu izan nahi duenak, eskua ahoan jarri du nire emaztearen aurkako hitzak esateko. Horiek dira hemen dituzten balioak. Eskua ahoan jarri du koldar hutsa delako", esan du Getaferen atzelariak.
Jon Gorrotxategi: “Lehenengo zatian bota dugu partida”
Realak 0-1 galdu du Getaferen aurka, Errege Kopa irabazi eta ondorengo partida. Partidaren ostean Jon Gorrotxategirekin egon gara eta bere ustez lehen zatian bota dute partida, baina aurkarien jokatzeko erak ez du horri buelta ematen lagundu.
Realak Kopako ajea ordaindu eta Getaferen kontra galdu du Anoetan (0-1)
Talde madrildarra nagusitu da Anoetan, Gorrotxategik bere atean sartutako golari esker. Lehen zatian Brais Mendezek huts egin du penaltian, eta ez du baliatu txuri-urdinak markagailuan aurretik jartzeko aukera.
Elustondoren aurkezpen hunkigarria, Oyarzabalek egina
Mikel Oyarzabalek oso aurkezpen hunkigarria egin dio, Aritz Elustondori Errege Kopako tituluaren ospakizunean.
Oskarssonek “Llevame a Sevilla” kanta abestu du
Oskarssonek Llevame a Sevilla kanta abestu du Errege Kopako ospakizunean.
Realak Kopa altxatu du, “We Are the Champions” abestiarekin
Realak Errege Kopa altxatu du, We Are the Champions abestia entzun bitartean.