Athleticek aise irabazi dio Realari bigarren zati bikaina jokatuta (4-0)
Athleticek 4-0 irabazi dio Realari San Mames futbol-zelaian jokatutako euskal derbian, Santander Ligako 25. jardunaldian. Zuri-gorrien gol guztiak bigarren zatian iritsi dira.
Marcelino Garcia Toral talde zuri-gorriko entrenatzailea Raul Garcia eta Iñaki Williams aurrelariak zelairatu ditu hasieratik; Imanol Alguacilek, bestalde, bost aldaketa egin ditu aurreko ostegunean Leipzigen kontra Europa Ligako hamaikakoarekin alderatuta. Isak azken orduko baja izan da.
Hasierako minutuetan, Athleticek erritmo bizia jarri nahi izan du; Reala, berriz, etxekoen jokoa moteltzen ahalegindu da. Derbiko lehen aukera 11. minutuan heldu da: Mikel Merinok areaz kanpotik jaurti eta baloia langatik gora joan denean.
Lehen ordu erdian, ez da gol abagunerik argirik ikusi, nahiz eta Athleticek aurkariaren zelaian jokatu eta gola gehiago bilatu duen.
Aukerarik onena, ordea, 31. minutuan epaileak penalti adierazi ondoren etorri da, baloiak David Silvaren eskuetan jo ostean. Alex Remirok bikain gelditu du Iker Muniainen jaurtiketa.
Penaltia huts egin arren, bizkaitarrek goian presionatzen jarraitu dute, eta, bost minutu geroago, Yuri ahalegindu da ezkerkada gogor batekin, baina neurketan zehar etxeko zaleen txistuak jaso dituen Remirok baloia aldaratu du berriro.
Bigarren zatian, hasierako protagonista berberak zelairatu dira, eta, hasi eta berehala, 3. minutuan, Dani Garciak erdiraketa egin, eta Berenguerren burukada gutxigatik joan da kanpora. Zuri-gorriek intentsitate handiagorekin jokatu dute, txuri-urdinek euren aukera noiz iritsiko zain zeuden bitartean.
Hala ere, Athleticen gola iritsi da. 68. minutuan, Berenguerrek kornerra atera du, eta Vivianen burukada ikusgarriak 1-0ekoa jarri du markagailuan. Ia jarraian, beste korner jaurtiketa batean, Ohian Sancetek etxekoen bigarrena erdietsi du (2-0).
Zuri-gorriek beste bi gol gehiago egin dituzte. Hala, Williamsek neurketa erabakita utzi du 80. minutuan, kontraerasoan (3-0). Ondoren, partida amaitu baino lehen, Iker Muniainek laugarrena sartu du (4-0).
FITXA TEKNIKOA
Hamaikakoak:
Athletic: Unai Simon; De Marcos (90. min, Petxarroman), Vivian, Iñigo Martinez, Yuri (90. min, Balenziaga); Berenguer, Dani Garcia, Vesga (61. min, Vencedor), Muniain; Raul Garcia (61. min, Sancet) eta Iñaki Willliams (86. min, Villalibre).
Reala: Remiro; Gorosabel, Zubeldia, Le Normand, Aihen Muñoz; Zubimendi, Merino (61. min, Guridi), Silva (61. min, Rafinha); Portu (73. min, Ander Martin), Oyarzabal eta Sorloth (73. min, Djouahra).
Epailea: Juan Martinez Munuera (Valentzia).
Epailea VAR sisteman: Antonio Mateu Lahoz (Valentzia).
Futbol-zelaia: San Mames.
Golak:
1-0, Dani Vivian (68. min)
2-0, Ohian Sancet (71. min)
3-0, Iñaki Willliams (80. min)
4-0, Iker Muniain (89. min)
Zure interesekoa izan daiteke
Eibarrek galdu egin du Madril CFF taldearen aurka, bigarren zati txarraren erruz (1-3)
Carmen Alvarezek aurretik jarri ditu armaginak lehen zatian, baina bigarrenean hiru gol sartu ditu talde madrildarrak eta garaipena lortu du.
Osasunak bi aldiz irauli du markagailua Oviedori irabazteko (3-2)
Bi aldiz berdindu behar izan dute markagailua gorritxoek, Budimirren bi golekin, eta Victor Muñozek garaipenaren gola sartu du luzapenean.
Simon: "4. epaileak txartel bat ateratzeko esan dio epaileari aulkia lasaitzeko, eta gorria atera du!"
Mallorcaren aurkako partida erabat baldintzatu duten epailearen eta VARaren erabakiak izan ditu hizpide Athleticeko atezainak. Zuri-gorriek 3-2 galdu dute Jagoba Arrasateren taldearen aurka.
Athleticek porrota jaso du Son Moixen epailearen erabakiek baldintzatutako partidan (3-2)
Zuri-gorriek markagailua bi aldiz parekatu eta nortasuna erakutsi arren, epaileak adierazitako bi penaltiek eta Guruzetari eta Lekueri txartel gorria atera izanak emaitza baldintzatu dute.
Coudet: "Kopari begira egonez gero, Bigarren Mailara goaz"
Alavesek Atletico Madrilen aurka jokatuko du igande honetan, Metropolitanon, EA Sports Ligako 20. jardunaldiko partida.
Bi partidako zigorra Paredesi, Kopako final-zortzirenetan marrazain bati "kakati" deitzeagatik
Txartel gorria atera zioten (55. min) Cultural Leonesaren aurka jokatutako partidan (3-4).
Pellegrino Matarazzo: "Taldea aztertzen jarraitu nahi dugu"
Realak igandean Bartzelona liderra jasoko du Anoetan, eta entrenatzaileak taldearen bilakaeraz hitz egin du prentsaurrekoan. "Pozik nago taldearekin, jokalariak hazten ari dira", adierazi du Matarazzok. Halaber, "merkatuan zerbait egin behar bada, egingo dugu; baina taldea aztertzen jarraitu nahi dugu" azpimarratu du estatubatuarrak.
Alessio Lisci: "Lehengo eguneko partidak ez du arrastorik utzi behar"
Osasunako entrenatzaileak larunbatean, EA Sports Ligako 20. jardunaldian, Oviedoren aurka jokatuko duten partidari buruz hitz egin du.
Nola ikusten dute egungo Reala Txiki Begiristainek eta David Silvak?
Futboleko hainbat aurpegi ezagun bertan direla hasiera eman diote Usurbileko sagardo denboraldiari. Saizar sagardotegian egin duten ekitaldi horretara besteak beste, Roberto Carlos, David Silva eta Txiki Begiristain gonbidatu dituzte. Guk azken biekin hitz egiteko aukera izan dugu. Biak ala biak Realeko jokalai ohiak, talde txuri-urdina nola ikusten duten galdetu diegu.
Braulio Vazquez, Osasunako kirol zuzendaria: "Plantilla berriztatu beharko genuke; printzipioz ez dago irteerarik"
Braulio Vazquezek agerraldia egin du prentsaurrekoan, eta talde gorritxoak etorkizunerako dituen asmoen berri eman du. Izenik eman ez duen arren, argi utzi du asmoa egungo plantilla hobetzea dela.