Puntu banaketa justua Valentzia eta Reala artean (0-0)
Kopako txapelketa alde batera utzi eta Valentziak eta Realak indarrak neurtu dituzte Mestallako futbol-zelaian Santander Ligako 23. jardunaldiko neurketan.
Partida hutsean amaitu da, puntu banaketa justua.
Bi entrenatzaileek hainbat aldaketa garrantzitsu egin dituzte euren hamaikakoetan; Imanol Alguacilek Isak eta Silva utzi ditu aulkian eta Pepe Bordalasek Guedes, Carlos Soler eta Hugo Duro.
Partida oso parekatua hasi da, bi taldeak elkarri aztertzen eta gol aukerarik ez. Lehen abagunea 22. minutuan heldu da, txuri-urdinen jokaldi luzean Le Normandek burukada egin eta Mamardashivilik baloia aldaratu egin du.
Hortik aurrera Realak baloia gehiago izan eta partidan agindu du, baina ez dute azken metroetan asmatu. Bakarrik lehen zatiko luzapenean Valentziak izan du zertxobait baloia eta Remiroren atea bilatu egin du. Lehen zatia hutsean amaitu da.
Bigarren zatian talde txuri-urdina gogotsu atera da eta Portuk 52. minutuan atezain aurrean aukera paregabea izan du, baina ezin asmatu. 57.an bestalde, Sorlothek Porturi eman eta honek oraingoan gola egin du, baina epaileak baliorik gabe utzi du jokaldia jokoz kanpo zegoelako norvegiarra.
Valentziaren gol abagune onena 65. minutuan izan da, baina Remirok oso ondo erantzun dio Maxi Gomezen jaurtiketari.
Portu berriro izan da protagonista 71. minutuan, baina bere jaurtiketa langatik gora joan da.
Azken txanpan Valentziak aurrera pausua eman du hiru puntuen bila eta Remiro izan da txuri-urdinen izarra bere azken geldiketekin.
FITXA TEKNIKOA
Hamaikakoak:
Valentzia: Mamardashvili, Thierry, Foulquier, Cömert (Racic, m.70), Cristhian (Carlos Soler, m.46), Gayà, Ilaix (Gueces, m.70), Hugo Guillamón, Musah (Hugo Duro, m.80), Maxi Gómez (Marcos André, m.80) y Bryan Gil.
Reala: Remiro, Gorosabel (Zaldúa, m.91), Zubeldia (Aritz, m.64), Le Normand, Rico, Rafael (Silva, m.73), Zubimendi, Merino, Portu (Januzaj, m.73), Oyarzabal y Sorloth (Isak, m.64).
Epailea: Sanchez Martinez
Futbol-zelaia: Mestalla
Golak: 0-0
Zure interesekoa izan daiteke
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.