Realak irabazi egin dio Vila-reali eta Europarako postuan da berriro
Realak garaipen garrantzitsua lortu du Vila-realen aurka (1-2) Zeramikaren Estadioan, Europan jokatzeko lehian. Donostiarrak hobeak izan dira partida osoan zehar eta mendean hartu dute talde horia.
Gipuzkoarrek intentsitate handiz ekin diote partidari, presio itogarria eginez. Bitartean, Vila-realek baloia ondo ukituz gainditu nahi zuen presio hori, gipuzkoarren gol aukerak ekiditeko.
Hala eta guztiz ere, partidako hamabigarren minutuan iritsi da bisitarien lehen abagune bikaina, bikoitza: lehenik, Gorosabelen erremateak Asenjoren erantzun on batekin egin du topo; dena den, are ikusgarriagoa izan da Isaken boleari atezainak emandako erantzuna.
Partidak aurrera egin ahala, Realak ideia argiagoak erakutsi ditu. Horren adibide izan da Vila-realek ez duela 24. minutura arte Moyaren atearen aurrean saiakerarik egin. Orduan, Ontiverosen jokaldi on batean, andaluziarra area barruan sartu da eta eskuin oinaren barrualdearekin egindako erremateak donostiarren atezainak alderatu du.
Lehen zati horretako azken partean, Vila-real bisitarien nagusitasunetik askatu da pixka bat, baina Imanol Alguacilen taldeak jokoa kontrolatzen jarraitu du, eta gola lortzeko zorian egon da.
Bigarren zatia lehenengoaren antzera hasi da, Realak eutsi egin baitio goian egiten zuen presioari, Javi Callejaren taldearen jokoa nabarmen oztopatzen zuena.
Haatik, minutuek aurrera egin ahala, Realaren presioak behera egin du, lehen zatiko eta bigarreneko hasierako ahaleginen ondorioz eta beroaren poderioz. Horren aurrean, Vila-realek metroak aurreratu ditu, Callejak egindako aldaketen bultzadarekin, eta, une batez, Realaren nagusitasuna txikitzea lortu du etxeko taldeak.
Hala ere, Vila-realek hobera eta bisitarien intentsitateak behera egin arren, Realak ordura arte egindako ahalegin handiagoak saria jaso du 61. minutuan, korner batean, Willian Josek buruz sartutako golari esker.
Vila-realek berehala erreakzionatu beharrean, Reala izan da partida erabakita uztetik gertu egon dena: lehenengo, 64. minutuan, Llorentek errematatzen asmatu ez duen beste korner batean, eta, gero, 70.ean, Asenjok oinarekin estutasun handiz atera duen kontraeraso batean.
Partidak erritmoa berreskuratu du bisitarien golarekin, eta horrek mesede egin dio Realari. Azkenerako, abantaila handitzeko helburua lortu du, Diego Llorentek buruz errematatu duen beste korner batean.
Realak ez dio bultzatzeari utzi, nahiz eta abantaila izan, baina Vila-realek aldea murriztea lortu du Santi Cazorlaren golarekin, eta partidako lehian sartu da. Dena den, txuri-urdinek espero baino estutasun gutxiagorekin amaitu dute neurketa, eta hiru puntuak eskuratu dituzte.
Fitxa teknikoa:
1 - Vila-real: Asenjo, Ruben Peña, Albiol, Pau Torres, Alberto Moreno, Trigueros (Baena, 76. min), Anguissa, Moi Gomez (Bruno, 62. min) Cazorla, Ontiveros (Mario Gaspar, 89. min) eta Fer Niño (Chukwueze, 46. min).
2 - Real Sociedad: Moya, Gorosabel, Llorente, Le Normand, Nacho Monrea (Aihen Muñoz, 85. min), Odegaard (Zubeldia, 64. min), Zubimendi, Mikel Merino, Oyarzabal, Barrenetxea (Portu, 52. min) eta Isak (Willian Jose, 46. min).
Golak: 0-1, 61. min: Willian Jose. 0-2, 75. min: Llorente. 1-2, 84. min: Cazorla.
Epailea: Cuadra Fernandez. Txartel horiak: Ontiveros (Vila-real); Mikel Merino eta Le Normand (Real Sociedad). Realeko prestatzaile fisikoari txartel gorria atera dio.
Zure interesekoa izan daiteke
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.