Bartzelona gehiegi izan da Realarentzat (1-10)
Bartzelonak Superkopa irabazi du Reala aise gaindituta 1-10. Kataluniarrak jaun eta jabe izan dira hasieratik, joko bikaina egin dute, eta neurketa lehen minutuetan erabakita utzi dute.
Donostiarrei dagokienez, Gonzalo Arconadaren taldeak nahikoa izan du aurkariei eusten, eta oso gutxitan sortu dute arriskua Paños atezainaren area inguruan. Nahikari izan da txuri-urdinen jokalaririk arriskutsuena, baina Bartzelonako atzeko lerroko jokalariek ondo babestu dute euren atea.
Bartzelonaren nagusitasuna oso argia izan da zelaian eta jokoaren arlo guztietan; ondorioz, gipuzkoarrek ezin izan dute ohiko jokoa egin, ez defentsan eta ez erasoan.
Lehen 12 minutuetan, bi gol (Marta Torrejonek eta Alexia Putellasek egindakoak) eta zutoina jo duen jaurtiketa bat izan dira.
Hirugarren gola 32. minutuan egin du Marta Torrejonek, bere bigarrena. Bi minutu geroago, Oshoala nigeriarrak laugarrena egin du, 36.ean Hansenek bosgarrena eta 38ean Alexiak seigarrena. Horrela, atsedenaldian Bartzelona 0 eta 6 izan da aurretik.
Bigarren zatian gauzak ez dira aldatu. 50. minutuan Bartzelonak zazpigarren gola egin du, Oshoalaren bidez, eta zortzigarrena Marta Torrejonek, 55.ean, bere hirugarrena.
Realaren gol bakarra 62. minutuan egin du Manu Lareok.
Baina Bartzelonak ez du erritmoa jaitsi. Candela Andujarrek bederatzigarrena sartu du, eta hamargarrena eta azkena, Marta Torrejonek. Bartzelonako atzelariak lau gol egin ditu finalean.
Partidak ez du gehiagorako eman, eta Bartzelonak merezita irabazi du Superkopa.
Fitxa teknikoa
1 - Reala: Quiñones; Iraia, Etxezarreta, Lucía, Mendoza, Bárbara (22. min, Eizagirre), Tejada, Itxaso (45. min, Maddi), Marta Cardona, Nahikari (60. min, Manu) eta Leire Baños.
10 - Bartzelona: Paños; Torrejón, Pereira, Mapi León, Leila Ouahabi (26. min. Crnogorgevic); Patri Guijarro (55. min, Losada), Alexia Putellas, Martens, Hansen (55. min, Andújar), Oshoala eta Mariona Caldentey (55. min, Bonmati).
Golak: 0-1, 4. min, Marta Torrejón; 0-2, 6. min, Alexia; 0-3, 32. min, Marta Torrejón; 0-4, 34. min, Oshoala; 0-5, 36. min, Hansen; 0-6, 43. min, Alexia; 0-7, 50. min, Oshoala; 0-8, 55. min, Marta Torrejón; 1-8, 62. min, Manu; 1-9, 75. min, Andújar; 1-10, 78. min, Marta Torrejón.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.