Carlos Martinez: 'Reala nire bizitza da'
Carlos Martinez Realeko jokalariak agur esango dio taldeari denboraldi amaieran. Nafarrak ezin izan du oraindik partidarik jokatu aurtengo Ligan, 2016an lesionatu zenetik ezin sendatuta ibili baita. Bere nahia zale txuri-urdinak zelaitik bertatik agurtzea litzateke, Realak larunbat honetan Leganesen aurka jokatu behar duen partidan.
"Nik ahalegin guztiak egingo ditut bertan izateko, zelaian, oraindik bost egun geratzen baitira. Ikusiko dugu", aurreratu du jokalariak klubak antolatutako agur-ekitaldian. Anoetako prentsa-aretoan izan da, eta bere taldekideak bertan izan dira babesa emateko.
Martinezek esan duenez, ez dago nahigabetuta klubak ez diolako ekainean bukatzen zaion kontratua berritzeko eskaintzarik egin. Bere aburuz, egoera hori futbol profesionalari dagokion gertaera da, "hemen ez baita oparirik egiten", azaldu du.
Jokalariak ez du oraindik bere etorkizunari buruz pentsatu. "Zaharra" ez dela azpimarratu du, eta Ligan jokatzen jarraitzea gustatuko litzaioke. Erantsi du ez zaiola axola Anoetan arerio gisa aritzea, "zelai berria ikusteko", klubean "bizi osoa" eman ostean.
"Oraindik ez dut albistea guztiz asimilatu, eta asko kostatuko zait Zubietara ez joatea eta nire taldekideak ez ikustea. Baita Realean pentsatu gabe jaikitzea ere, nire bizitza delako", adierazi du defentsak, emozioz beteta.
Lodosako (Nafarroa) jokalariak Realean eman ditu azken 18 urteak, harrobiko kategorietatik lehen taldera iritsi arte. Lau gol sartu ditu jokatu dituen 208 norgehiagoketan, lehen mailaren eta bigarren mailaren artean banatuta.
Aperribay
"Bigarren agurra da Xabi Prietorenaren ostean. Carlos 2000. urtean sartu zen Realean, eta bizitza oso bat da", gogoratu du Jokin Aperribay presidenteak. Klubeko arduradun nagusiak esker oneko hitzak izan ditu jokalariarentzat, "Realak aurrera egin zezan eta hazi zedin" guztia emateagatik.
Aperribayren aburuz, Carlos Martinezek "belaunaldi bateko balioak" irudikatzen ditu, eta eskertu egin dio izandako jarrera profesionala, "ez baitut gogoratzen ezer okerrik egin duzunik", azaldu du presidenteak.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.