Realak Athletici merezita irabazi dio, bilbotarrek bi gol euren atean sartuta
Realak aurreko astean Malaga azken sailkatuaren aurka hartutako porrota ahaztarazi du Athletici Anoetan merezimendu osoz irabazita. San Jose izan da partidako protagonistetako bat, bi gol egin baititu bere atean.
Aurreikusi bezala, Iñigo Martinez txistuka hartu dute Anoetako zaleek. Athleticeko atzelariak bere talde ohiaren etxean jokatu duen lehen partida izan da gaurkoa.
Lehen minutuetan, Athletic hobeto aritu da, baina ez du arrisku handirik sortu. Zale txuri-urdinek ez dituzte gauzak batere argi ikusi San Joseren lehen oparia iritsi den arte. Canalesek korner bat atera du eta nafarra baloia aldentzen saiatu da baina azkenean Keparen atean sartu du.
Elustondo bigarrena sartzear izan da 33. minutuan, baina Kepak geldiketa ikusgarri batekin erantzun dio bere jaurtiketari. Hurrengo jokaldian, baina, gipuzkoarrek ez dute hutsik egin eta Mikel Oyarzabalek 2 eta 0ekoa jarri du markagailuan.
Bigarren zatian, Realak erritmoari eutsi dio eta minutu gutxitan hirugarren gola iritsi da. Mikel San Josek egin du, bere atean berriro ere, zorigaiztoko jokaldi batean.
58. minutuan, Athletic partidan sartu da Llorenteren jokaldi inozo baten ondorioz arbitroak penaltia adierazi eta Raul Garcia gola lortu duenean.
Orduan jokatu dituzte bilbotarrek euren minuturik onenak. Williamsek eta San Josek markagailuko aldea murrizteko aukerak izan dituzte, baina gola ez da iritsi.
Partida bukaeran, epaileak txartel gorria atera dio Ruben Pardori, Realeko jokalaria zelairatu berria zen eta sei minutu eskas eman ditu zelaian. Neurketa amaituta, Iñigo Martinezek txartel horia ikusi du, protesta egiteagatik.
Fitxa teknikoa
3 - Reala: Moyá; Aritz (Odriozola, 82. min), Llorente, Navas, De la Bella; Illarramendi, Zurutuza, Canales (Rubén Pardo, 78. min); Oyarzabal, Januzaj (Zubeldia, 89. min) eta Willian José.
1 - Athletic: Kepa; De Marcos, Nuñez, Iñigo Martínez, Balenziaga; San José, Iturraspe (Mikel Rico, 72. min); Córdoba (Muniain, 67. min), Raúl García, Lekue (Susaeta, 49. min) eta Williams.
Golak: 1-0, 15. min: San José (b.a.). 2-0, 36. min: Oyarzabal. 3-0, 53. min: San José (b.a.). 3-1, 59. min: Raúl García, penaltiz.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.