Realak baja garrantzitsuak ditu Salzburgen aurkako kanporaketarako

Talde txuri-urdinak ostegunean jokatuko du Salzburgen aurka Europa Ligako final-hamaseirenetako joaneko partida. Willian Jose eta Januzaj baja dira, min hartuta baitaude.

Willian Jose. Argazkia: EFE — Willian Jose, Malagaren aurkako partidan. Argazkia: EFE

ERREDAKZIOA

2018/02/12 - 18:37

Azken eguneratzea

2018/02/12 - 20:11

Realak ostegunean ekingo dio Europa Ligari, final-hamaseirenetan Salzburgen aurka Anoetan jokatuko duen joaneko neurketarekin. Talde txuri-urdina ez dabil ondo Ligan eta neurketa honetarako Willian Joseren eta Adnan Januzajen bajak izango ditu.

Gainera, multzoen fasea jokatu zuen taldearekin alderatuta, Athleticek fitxatu duen Iñigo Martinez ere galdu du Realak. Ondarroakoaren ordez Hector Moreno fitxatu zuen Realak, baina zaleek oraindik ez dute mexikarra jokatzen ikusi eta debuta egin dezake ostegunean.

Talde txuri-urdinak oso albiste txarra jaso zuen ostiralean, Willian Jose lesionatu egin baitzen. Brasildarrak ezker hankako behatz bat hautsita dauka, eta Salzburgen aurkako kaporaketa osoa galduko du. Willian Josek 11 gol sartu ditu Ligako 22 partidatan eta 16 gol sartu ditu txapelketa guztiak kontutan hartuta. Bere baja aste batzuetarako luzatuko da.

Bestalde, Adnan Januzaj ere min hartuta dago arazo muskularren eraginez. Belgikarra baja izango da Salzburgen aurkako joaneko partidan eta Levanteren aurkako Ligako partida ere ez du jokatuko. Zalantza izango da Europa Ligako itzuliko partidarako ere.

Zure interesekoa izan daiteke

Matarazzo: “Ez nago sailkapenari begira"

Jon Aramburu of Real Sociedad competes for the ball with Robert Navarro of Athletic Club during the LaLiga EA Sports match between Athletic Club and Real Sociedad at San Mames on February 1, 2026, in Bilbao, Spain.

Aramburuk min hartu du soleoan eta Reala eskuin hegalik gabe utzi du

Calos-Soler-entrevista-Zubieta-Real-Sociedad-Radio-Euskadi

Carlos Soler: “Oyarzabal funtsezko jokalaria da, gure taldeko izarra, kapitaina, gidaria"

Jon Martin Vicente of Real Sociedad in action during the UEFA Europa League 2026/27 League Phase MD1 match between Real Sociedad and AFC Bournemouth at Anoeta on September 17, 2026, in San Sebastian, Spain.

Jon Martin, Golden Boy saria irabazteko 20 finalisten artean

Nerea Eizagirrek lehen garaipena eman dio Realari Moeve F Ligan, Valentziaren aurka (0-1)

Sansek ezin izan dio bi goleko bere abantailari eutsi, eta luzapenean galdu du Granadaren aurka (2-3)

Gorka Alvarez: “Kanporaketa erakargarria eta polita egokitu zaigu”