Realak Sevillari irabazteko beharra dauka Carlos Velaren agurrean
Realak Sevillari irabazteko beharrizanarekin esango dio agur 2017ari, baldin eta orain lau puntura dituen Europako postuetatik aldendu nahi ez duen. Gainera, asteazkeneko partidak badu beste osagai berezi bat ere, Carlos Velak talde txuri-urdinarekin jokatuko duen azken partida izango baita.
Velak ez du Realean jarraituko Gabonetako oporraldiaren ostean, bere ibilbide profesionala AEBko MLS ligan hasiko baita jokatzen otsailetik aurrera, eta zelaitik bertatik agurtzeko aukera izango duela espero da, nahiz eta agian ez den hasierako hamaikakoan izango.
Donostiarrak presioz beteta helduko diote norgehiagokari, Anoetan izaten ari diren emaitza kaskarrak direla-eta, bertan jokatu dituzten zortzi partidetatik bi besterik ez baitituzte irabazi. Denetara 15 puntuk egin die alde, eta horren eraginez sailkapenaren erdialdean daude kokatuta.
Sevillak, bere aldetik, zenbaki onekin bukatuko du urtea: bosgarren doa liga txapelketan, eta Txapeldunen Ligan zein Errege Kopan final-zortzirenetara sailkatzea lortu dute, baina futbol-sentsazioak bestelakoak dira.
Eduardo Berizzo entrenatzaile argentinarrak ez du joko-jarioa aurkitzen bere taldean, eta, hartara, ez du garaipenik lortu azken hiru partidatan. Bestalde, aipatzekoa da Berizzo joan zen ostiralean itzuli zela Sevilla aulkitik bertatik zuzentzera, minbizia zela-eta egindako ebakuntzaren ostean zenbait partidatan zereginen horretan ibiltzeari utzi behar izan baitzion halabeharrez.
Donostian defentsa berregituratu beharko du, Clément Lenglet atzelari titularrak zigorra bete beharko duelako aurreko jardunaldian bosgarren txartela jasotzeagatik.
Bere hutsunea epe luzeko baja diren beste bi erdiko atzelariren (Daniel Carriço portugaldarra eta Nico Pareja argentinarra) hutsuneei batu behar zaie.
Horrenbestez, gune horretan jokatu ohi ez duen jokalari batek jardun beharko du toki horretan.
Balizko hamaikakoak:
Reala: Rulli; Odriozola, Llorente, Iñigo Martínez, De la Bella; Illarramendi, Prieto, Zurutuza; Januzaj, Oyarzabal, Willian José.
Sevilla: Sergio Rico; Corchia, Geis, Kjaer, Escudero; Pizarro, Éver Banega; Sarabia, Franco Vázquez, Nolito; Ben Yedder.
Epailea: Hernández Hernández (Kanarietako Batzordea).
Zelaia: Anoeta
Ordua: 21:30ean
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.