Carlos Velak agur esango dio Realari 'urterik onentsuenak' bertan igaro ostean
Carlos Vela aurrelari mexikarrak bere azken partida jokatuko du Realarekin datorren asteazkenean Sevillaren aurka, Eusebiok hala erabakitzen badu; izan ere, urtarriletik aurrera MLSko Los Angeles taldean arituko baita, Donostian sei denboralditan jokatu ostean.
Talde txuri-urdinari agur esan baino lehen, elkarrizketa bat eman dio klubaren webguneari, zeinetan, besteak beste, bere bizitzako "urterik onentsuenak" Realean pasa dituela aitortu duen.
"Mila gauza daramatzat nirekin batera. Neska-laguna eta semea bertokoak dira, eta hori zeharo esanguratsuan da nire bizitzarako. Hemen hasi da nire familiarteko bizitza", azaldu Velak.
Aitortu duenez, 2011n Donostiara heldu zenean, bertan urte bat edo bi emango zituela zeukan buruan, aurretiaz jokatu zuen gainerako beste taldeetan egin legez. Alabaina "eroso" sentitu eta "beste toki batzuetan ez bezalako gauzak" bizitzen hasi zen, beraz, gelditzea deliberatu zuen "inoiz hartu duen erabaki onenean".
Hori bai, onartu egin du hasiera batean zaila egin zitzaiola "apur bat itxiagoa" den euskal kulturara egitea eta "jendearen konfiantza" bereganatzea, baina behin lortuta, "guztia" eman ziotela.
"Behin euren konfiantzazko gunean sartuta, dena aldatzen da. Orduantxe konturatu nintzen hemen egon nahi nuela eta lekurik aproposena zela nire kirol ibilbidea zein bizitzak aurrera egin zezaten", ekarri du gogora mexikarrak.
Pozik azaldu da "Europan ez sartzea porrot gisa" ikusten den unean utziko duelako Reala, etorri zeneko egoerarekin oso bestelakoa dena.
Bere helmuga berriari dagokionez, azaldu du beti izan duela "Ameriketako Estatu Batuetan bizitzeko eta jokatzeko gogoa", bere herrialdetik gertuago baitago eta, modu horretan, Mexiko familia bisitatzeko erraztasun gehiago dituelako.
Baieztatu duenez, taldearen alde eman beharreko "guztia" emanda zuela iritzi zion une jakin batean, eta "aldaketa baten beharra" zuela.
"Anoetan garaipen batekin agurtzea" espero duen arren, garbi utzi du asteazkenean Sevillaren aurka gertatzen dena edozer izanik ere horrek ez duela "sei urte hauek ilunduko".
Zaleei eskerrak eman dizkie: "Guztiagatik, une zail eta onetan hor egoteagatik. Betirako izango dute leku bat nire bihotzean. Hau gero arte bat da".
Ostegunetik aurrera Realaren "beste jarraitzaile bat" izango dela gaineratu du.
Zure interesekoa izan daiteke
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.
Jon Martin: “Bigarren zatian kostata ibili gara, ezin izan ditugu trantsizioak egin”
Jon Martinek sartu du Gironaren aurkako partidako gola, bere bigarrena eta “jarraitzeko asmoz”. Lehenengo zatian ondor aritu diren arren, “bigarrenean kostata” ibili direla azaldu du lasartearrak.