Realak ez du Kopan jarraituko ahazteko moduko bigarren zatia egin ostean (2-3)
Anoetak azken urteetako gaurik garratzenetako bat bizi izan du asteazken honetan, Lleidak Errege Kopa kanpo utzi baitu Reala, bigarren zatian joaneko partidako 0-1ekoari eta etxekoek lehen zatian lortu duten 2-0ekoari buelta eman ostean.
Zelaira bertaratu diren zale apurrek (8.819) partida lasaia espero zuten, eta hala izan da lehenengo zatian, txuri-urdinak nagusi izan baitira tarte horretan. Gainera, aurretik jarri dira 24. minutuan Diego Llorentek buruz sartu duen golari esker, denboraldian zehar sartzen duen seigarrena.
Egoera are aldekoago jarri zaie etxekoei Juanmik bigarrena sartu duenean, ohi duen malezia erabilita. Hala, kanporaketa erabakita zegoela zirudien.
Aitzitik, Lleidak ez du amore eman, nahiz eta bigarren zatiaren hasieran egoera oso aldekoa zen etxekoentzat.
Lehendabizi Aitor Nuñezek egin du gola, eskuin hegaletik egindako barneraldi batean. Realak erlaxatuta zirudien, eta ez du aintzat hartu katalanen abisua; horrenbestez, handik gutxira bigarrena egin dute bisitariek, Manu Molinak penaltiz sartutako golarekin.
Berdinketa horrek gol bakarrera utzi du kanporaketa gainditzeko aukera Lleidarentzat, eta ez du aukera alperrik galdu, norgehiagoka bukatzeko lau minutu falta zirela emaitza irauli baitu Radulovicek buruz egindako golarekin.
Gol horrek erreakzionatzeko ahalmenik gabe utzi ditu Realeko jokalariak, eta azkenerako lehiaketatik kanpo geratu dira ezin izan baitute beste golik erdietsi.
Fitxa teknikoa:
Reala 2: Ramírez; Carlos Martínez, Navas, Llorente, De la Bella; Rubén Pardo (Zurutuza, 61. min), Prieto (Zubeldia, 55. min), Canales; Vela, Juanmi eta Jon Bautista (Oyarzabal, 79. min).
Lleida Sportiu 3: Diego Rivas: Aitor Núñez, Musa Bandeh, Valiente, Eneko; Trilles, Javi López, Manu Molina; Marc Nierga (Radulovic, 75. min), Jorge Félix, Jordi Martínez (Andriu, 88. min).
Golak: 1-0, min. 24: Diego Llorente. 2-0, 34. min: Juanmi. 2-1, 56. min: Aitor. 2-2, 59. min: Manu Molina, penaltiz. 2-3, 86. min: Radulovic.
Epailea: Martínez Munuera. Txartel horiak: Toño, Zubeldia (rRala) eta Núñez (Lleida).
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.